„Rútan ruggaði aðeins en allir náðu að sofa“
Um 60 nemendur Fjölbrautaskóla Norðurlands vestra gistu í rútu á Vestfjarðavegi í nótt, skammt frá vegamótunum á Drangsnes. Matarsending barst frá Reykjanesi um miðja nótt og eftir það sváfu unglingarnir í rútunni og fór ágætlega um þau að sögn Kolbrúnar Maríu Sæmundsdóttur, sem er önnur foreldranna sem eru með í för.
Kolbrún segir að nóttin hafi gengið ágætlega fyrir sig. Hún var afskaplega þakklát Jóni nokkrum sem kom frá Reykjanesi við Ísafjarðardjúp með tvo fulla kassa af samlokum, gos, vatn, safa, súkkulaði, snakk og kaffi fyrir hópinn.
„Eftir það komu þau sér fyrir um alla rútu og náðu held ég öll að sofa eitthvað,“ sagði Kolbrún í samtali við Feyki nú fyrir stundu. „Þau taka þessu misvel, enda misjöfnu vön, en það eru allir rólegir hérna.“ Kolbrún segir að ásamt þeim hafi þrír flutningabílar beðið þarna í nótt.
Vegagerðarmenn voru komnir á staðinn um sjöleytið og stendur viðgerð yfir, en áætlað er að viðgerð ljúki um tíuleytið, samkvæmt síðustu fréttum frá Vegagerðinni.
Veður hefur heldur gengið niður, farið er að frysta aftur og einhver úrkoma. Kolbrún segir hópinn reyna að láta fara vel um sig í rútunni og búast megi við einhverri bið eftir að komið verður til Hólmavíkur, enda vegurinn sunnan Hólmavíkur einnig í sundur.
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
