Samanburðarrannsókn á heilsu og líðan Skagfirðinga og Sunnlendinga
Rannsókn á heilsufarslegum afleiðingum eldgossins í Eyjafjallajökli stendur yfir og er samanburðarrannsókn á heilsu og líðan íbúa í sveitarfélaginu Skagafirði hluti af því verkefni. Sendir hafa verið út spurningalistar þar sem fólk er beðið um að svara spurningum varðandi efnið og er mikilvægt að sem flestir þeirra sem leitað var til taki þátt til þess að samanburðurinn verði marktækur.
Ástæða þess að Skagafjörður varð fyrir valinu er sú að svæðið er landbúnaðarhérað þar sem beinna áhrifa eldgossins gætti ekki. Farið var í samskonar gagnasöfnun á Suðurlandi og ætti samanburður milli þeirra sem urðu fyrir beinum áhrifum eldgossins og hinna sem búa fjarri gosstöðvunum því að verða áhugaverður.
Dr. Guðrún Pétursdóttir framkvæmdastjóri Stofnunar Sæmundar fróða við Háskóla Íslands er ábyrgðarmaður rannsóknarinnar og telur hún þetta vera einstakt tækifæri til að kanna áhrif eldgosa á heilsu manna meðal annars um andlega líðan þess að upplifa eldgos í návígi við heimili sitt og að vera útsettur fyrir ösku af því tagi sem Eyjafjallajökull sendi frá sér.
Þátttaka Skagfirðinga er mjög mikilvæg til að hægt verði að draga ályktanir um áhrif eldgossins. Náist góð svörun frá Skagfirðingum verður einnig hægt að fá góða yfirsýn yfir heilsufar og líðan fólks, 18-80 ára, sem býr í sveitarfélaginu Skagafirði.
Fleiri fréttir
-
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira
