Samningur um sjúkraflutninga á starfssvæði HSN í Skagafirði undirritaður
Í gær var skrifað undir samning um sjúkraflutninga á starfssvæði Heilbrigðisstofnunar Norðurlands í Skagafirði. Heildarupphæð samningsins er 30.000.000 á ári og tekur hann tillit til alls kostnaðar við mannahald, þjálfun og menntun ásamt eftirliti með búnaði greiningasveitar. Samkvæmt fréttatilkynningu gildir samningurinn til 5 ára og nær til allra sjúkraflutninga í Skagafirði utan Fljóta sem njóta þjónustu frá Fjallabyggð.
Samningurinn er á milli Heilbrigðisstofnunar Norðurlands (HSN) og Sveitarfélagsins Skagafjarðar fyrir hönd Brunavarna Skagafjarðar (BS) sem sjá um framkvæmd samningsins.
„Gert er ráð fyrir að fjöldi sjúkraflutninga verði 280 á ári að jafnaði á samningstímanum. Samningur sem þessi gerir starfsemi BS öflugri og með slíkum samningi er það ætlun manna að áfram verði afar góð þjónusta við íbúa og þeirra sem heimsækja Skagafjörð,“ segir í fréttatilkynningu frá Brunavörnum Skagafjarðar.
Á undanförnum misserum hefur verið gert mikið átak í menntun sjúkraflutningamanna sem starfa hjá BS. Í samstarfi BS, Heilbrigðisstofnunarinnar og ekki síst sjúkraflutningamannanna sjálfra hefur tekist að auka menntunarstig og þjálfun sjúkraflutningamanna. Nú eru allir sjúkraflutningamenn hjá BS Neyðarflutningamenn.
„Mikil ánægja er með að tekist hefur að tryggja óbreytt fyrirkomulag sjúkraflutninga og það góða samstarf sem ríkt hefur á milli BS og starfsfólks HSN á Sauðárkróki,“ segir loks í fréttatilkynningu.
Fleiri fréttir
-
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Húni.is segir frá því að á föstudaginn 20 júní verður haldið skákmótið Húnabyggð open sem er í tengslum við skákhátíðna sem stendur yfir á Blönduósi og lýkur 21 júni. Enn er hægt að skrá sig til leiks. Húnabyggð Open 2025 er opið mót sem haldið ve...Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira
