Samstaða og bjartsýni í Húnaþingi vestra - Áskorandi Guðmundur Haukur Sigurðsson Hvammstanga
Í upphafi nýs árs þá tíðkast gjarnan að líta um öxl og eins að horfa aðeins fram á veginn. Við hér í Húnaþingi vestra höfum tvö síðustu ár þurft að fást við ýmiss krefjandi verkefni sem reynt hafa á íbúana og þeir sýnt hvers þeir eru megnugir. Rifjum upp þrennt sem mér finnst standa upp úr.
Vorið 2019 tókum við á móti 23 Sýrlenskum flóttamönnum. Ég held að þetta verkefni hafi verið samfélaginu til sóma. Stór hluti íbúanna kom að þessu viðfangsefni á einhvern hátt og í sameiningu höfum við stuðlað að því að þessir nýbúar hafa aðlagast vel í framandi umhverfi og m.a. farnir að tjá sig vel á íslensku. Þau urðu strax nýtir þegnar sem svo sannarlega leggja sitt af mörkum til samfélagsins.
Desemberveðrið 2019 var líka ákveðinn prófsteinn á samfélagið. Veðurfarslegar hamfarir sem leiddu í ljós hversu vanbúin hin ýmsu kerfi voru sem eiga að þjóna okkur svo sem hvað varðar raforku, fjarskipti og fréttir. Eitthvað sem átti ekki að geta gerst varð skyndilega raunin. Rafmagnsleysi, léleg fjarskipti og rýr hlutur RÚV í að koma skilaboðum til fólksins. Allt í einu varð þetta staðreynd svo sólarhringum skipti. Þá kom í ljós styrkur innviða sveitarfélagsins og sjálfboðaliða sem þar starfa var meiri en opinberu þjónustufyrirtækjanna. Heimamenn sáu til þess að við komum að mestu ósködduð út úr þessum hremmingum.
Svo þurftum við endilega að taka covidið með trompi, alltaf þurfum við að komast í fréttirnar hér í Húnaþingi vestra. Í lok mars á síðasta ári voru hvergi jafn margir smitaðir í landinu miðað við höfðatölu. Já við urðum einna fyrst til að reyna svokallaða úrvinnslusóttkví. Nánast algjört útgöngubann var í viku sem við íbúarnir tókum mjög alvarlega. Með samtakamætti unnum víð bug á veirunni og hún hefur nánast látið okkur í friði síðan.
Samstaða og bjartsýni hafa að mínu mati verið kjörorðin í Húnaþingi vestra á síðustu árum. Mikil uppbygging í samfélaginu sem lýsir sér í byggingu fjölda nýrra húsa og íbúða bæði í þorpi og sveit. Staðan í dag er sú að það er engin íbúð til sölu á Hvammstanga. Ég tel að á Hvammstanga vanti einkum smærri íbúðir til kaups eða leigu þannig að markaðnum sé sinnt. Þá getur eldra fólk skipt úr stærri eign í minni og yngra fólk sem hér vill setjast að keypt eða leigt sína fyrstu íbúð. Nýbygging rís nú við grunnskólann og verður hann þá undir einu þaki ásamt tónlistarskólanum. Þegar þessi bygging verður að fullu komin í notkun haustið 2022 verður enn betur hugað að unga fólkinu okkar.
Það er gott að búa í Húnaþingi vestra.
Ég skora á Sigríði Ólafsdóttur sauðfjárbónda og sveitarstjórnarfulltrúa í Víðidalstungu að skrifa næsta pistil.
Áður birst í 6. tbl. Feykis 2021
Fleiri fréttir
-
Geggjaðir Grindvíkingar í Síkinu
feykir.is Skagafjörður, Íþróttir 16.04.2024 kl. 09.52Það er rétt að byrja á því að hrósa Grindvíkingum, þeir voru frábærir í gær og verðskulduðu sigur í Síkinu þegar þeir mættu liði Tindastóls í öðrum leik liðanna í úrslitakeppni Subway-deildarinnar en þeir leiða nú einvígið 2-0. Gestirnir náðu yfirhöndinni seint í fyrsta leikhluta og léku við hvern sinn fingur þar til þriðji leikhluti var úti en þá var munurinn 32 stig. Þrátt fyrir að Stólarnir gerðu fyrstu 21 stig fjórða leikhluta voru þeir í raun aldrei nálægt því að jafna leikinn – hvað þá að vinna hann. Lokatölur voru 88-99 og ljóst að lið Tindastóls þarf að finna góðan skammt af galdradufti til að snúa þessu einvígi við.Meira -
Öldungamót Smára
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 09.20Nú er lag fyrir gamlar frálsíþróttakempur og aðra áhugasama að skrá sig á öldungamót Smára sem fram fer í íþróttahúsinu í Varmahlíð laugardaginn 20.apríl nk.Meira -
1500 FRÆ
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 15.04.2024 kl. 15.28Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík.Meira -
Nú mæta allir í Síkið
feykir.is Skagafjörður, Íþróttir 15.04.2024 kl. 12.17Íslandsmeistarar Tindastóls taka á móti Grindavík í Síkinu í kvöld í öðrum leik liðanna í átta liða úrslitum Subway-deildarinnar. Leikurinn hefst kl. 19:30 en miðasala fer fram á Stubb. Nú er um að gera að fjölmenna í Síkið og styðja strákana okkar til sigurs. Grindvíkingar rúlluðu yfir okkar menn í fyrsta leik og nú þurfa allir Stólar að gera betur.Meira -
Séra Sigríður skipuð prófastur í Húnavatns- og Skagafjarðarprófastsdæmi
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.04.2024 kl. 11.03Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi frá og með deginum í dag, 15. apríl 2024. Hún tekur við af sr. Döllu Þórðardóttur á Miklabæ en hún lét af störfum þann 1. desember síðastliðinn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.