Samtal um náttúruvernd og ganga um Spákonufellshöfða með SUNN
feykir.is
Austur-Húnavatnssýsla
13.05.2025
kl. 14.24
Aðsend ljósmynd af kríu og kríuunga: James Kennedy
Laugardaginn 17. maí verður viðburður á vegum SUNN, Samtök um náttúruvernd á Norðurlandi sem býður til samtals á Norðurlandi vestra, nánar tiltekið á Skagaströnd. Viðburðurinn hefst á gönguferð um friðlandið í Spákonufellshöfða, þar sem Einar Þorleifsson náttúrufræðingur sér um leiðsögn. Skoðum fugla, plöntur og áhugaverða jarðfræði svæðisins.
Því næst verður boðið í kaffi í Bjarmanesi, þar sem fundargestir fá tækifæri til þess að koma sínum hugðarefnum sem tengjast náttúru- og umhverfisvernd á framfæri. Rakel Hinriksdóttir, formaður SUNN, heldur stutta kynningu um samtökin og tekur þátt í fundinum.
„Samtalið verður á óformlegum nótum, en aðalatriðin tekin saman og tekin fyrir á næsta stjórnarfundi SUNN,“ segir Rakel. „Þarna gefst gott tækifæri til þess að forvitnast um og hafa áhrif á starf SUNN, en það er mjög fjölbreytt. Náttúrufegurð Norðurlands er gríðarleg og aldrei hefur verið jafn mikilvægt að almenningur taki afstöðu til málefna og réttar náttúrunnar. Eins og staðan er á náttúruverndin engan fulltrúa á þingi og náttúruverndarsamtök um allt land eru að eflast og finna til ábyrgðar.“
Mæting verður kl 13.30 við Bjarmanes, gangan verður í ca. 60 mín. Fundurinn verður í klukkutíma, verður í síðasta lagi slitið kl 16.00.
Fleiri fréttir
-
Enn á ný hægt að komast til himna í Húnavatnssýslu
feykir.is Austur-Húnavatnssýsla, Lokað efni 13.05.2025 kl. 14.48Það styttist í að enn á ný verði hægt að stíga til himna í Austur-Húnavatnssýslu. Feykir sagði frá því á síðasta ári að tvívegis tók Himnastiginn á Skúlahóli í Vatnsdalnum flugið í ofsaroki. Nú í vikunni var hafist handa við setja hann saman og festa niður á ný.Meira -
Tindastóll Íslandsmeistarar
feykir.is Skagafjörður, Íþróttir 13.05.2025 kl. 14.16Þann 12. apríl síðastliðinn var Íslandsmeistaramót yngri flokka í júdó haldið hjá Ármanni í Reykjavík. 5 keppendur frá Tindastól mættu til leiks en því miður fengu bara fjögur að keppa.Meira -
Nýprent heldur utan um alla viðburði á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 13.05.2025 kl. 14.14SSNV og Nýprent hafa gert með sér samkomulag um að Nýprent haldi utan um nýja viðburðasíðu sem auðveldar íbúum Norðurlands vestra að fylgjast með öllu því fjölbreytta mannlífi og viðburðum sem fram fara á svæðinu. Verkefnið er hluti af áhersluverkefnum SSNV og byggir á Sóknaráætlun landshlutans þar sem eitt af meginmarkmiðum er að auka sýnileika viðburða og efla samfélagslíf.Meira -
Varmahlíðarskóli áfram í úrslit Skólahreysti 2025
feykir.is Skagafjörður, Íþróttir 13.05.2025 kl. 10.35Varmahlíðarskóli tók á dögunum þátt í undankeppni Skólahreysti í riðli 1 á Akureyri. Liðið lenti í 2. sæti riðilsins með jafnmörg stig og sigurvegarar Grunnskóla Húnaþings vestra.Meira
