Seal Travel hefur starfsemi
Í dag opnar formlega ferðaskrifstofa í eigu Selaseturs Íslands á Hvammstanga. Hefur hún fengið heitið Seal Travel, og selur pakka með hópafslætti til ferðamanna á netinu.
Undirbúningur opnunar Seal Travel hófst fyrir tæpum tveimur árum, og tilgangur hennar er að auka ennfremur þá góðu samvinnu sem einkennir ferðaþjónustu í Húnaþingi vestra, auka framlegð hvers ferðamanns, og jafna tekjustreymi ferðaþjónustuaðila yfir árið. Farið er af stað með takmarkaðan fjölda pakka til að byrja með, en við bjóðum alla áhugasama velkomna til samstarfs. Við viljum sérstaklega biðja áhugasama aðila innan Húnaþings vestra að hafa samband við okkur, en horfum þó til alls Norðurlands vestra sem okkar starfssvæðis.
Guðríður Hlín Helgudóttir hefur verið ráðin til að stjórna Seal Travel, auk þess að aðstoða framkvæmdastjóra. Hún hefur unnið árstíðabundið, og með skóla, á Selasetri Íslands frá og með 2012. Gauja lauk BA námi í ferðamálafræðum frá Háskólanum á Hólum vorið 2016, en hefur einnig mikla starfsreynslu innan ferðaþjónustugeirans. Upplýsingamiðstöð Húnaþings vestra á Selasetrinu mun að sjálfsögðu, hér eftir sem hingað til, starfa af heilindum og hlutleysi með hag alls Húnaþings vestra að leiðarljósi. Starfsemi Seal Travel hefur engin áhrif á starfsemi upplýsingamiðstöðvarinnar, þar sem Seal Travel selur eingöngu á netinu.
Við bindum miklar vonir við Seal Travel og hlökkum til framlags ferðaskrifstofunnar til áframhaldandi sóknar í Húnaþingi vestra.
Kíkið á www.sealtravel.is
/Fréttatilkynning
Fleiri fréttir
-
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira -
Komið að skuldadögum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.06.2025 kl. 11.17Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil.Meira
