Selatalningin mikla í næstu viku
feykir.is
Vestur-Húnavatnssýsla
15.07.2016
kl. 12.13
Selir í Húnaþingi vesta. Mynd: Selasetur.
Selatalningin mikla fer fram fimmtudaginn 21. júlí næstkomandi og er þetta tíunda árið í röð sem Selasetrið á Hvammstanga stendur fyrir talningunni. Taldir verða selir á Vatnsnesi og Heggstaðanesi í Vestur-Húnavatnssýslu og óskar Selasetrið eftir þátttöku sjálfboðaliða við talninguna en markmiðið með henni er að afla upplýsinga um fjölda sela á svæðinu.
Í kynningarbæklingi frá Selasetrinu segir að þátttaka í selatalningunni sé frábært tækifæri til þess að fá innsýn í starfsemi Selasetursins. Þar segir meðal annars: „Okkar markmið er að þróa sjálfbæra ferðamennsku í skoðun villtra dýra og rannsaka ástand selastofna við Íslandsstrendur. Við reiðum okkur á sjálfboðaliða til aðstoðar við rannsóknir.“
Á meðan selatalningunni stendur vinna sjálfboðaliðar með starfsmönnum Selasetursins við að telja seli meðfram Vatnsnesi og Heggstaðarnesi. Strandsvæðinu er deilt í smærri einingar (2-7 km) og sjálfboðaliðum og starfsmönnum skipt í hópa. Áður en lagt er af stað eða klukkan 14:30, verður rannsóknarviðfangsefni Selasetursins kynnt ásamt þeim rannsóknum sem hún mun gagnast. Þegar talningum er lokið verður boðið upp á kaffi og með því og sérfræðingar Selasetursins munu sitja fyrir svörum.
Þeir sem vilja taka þátt í selatalningunni geta mætt á Selasetur Íslands á Hvammstanga klukkan 14:30 fimmtudaginn 21. júlí næstkomandiþ Gott er að skrá þátttöku fyrirfram og er hægt að gera það í netfangið johanng@selasetur.is eða í síma 451-2345. Selatalningin mikla er ekki ætluð börnum yngri en 5 ára. Börn undir 16 ára aldri þurfa að vera í fylgd foreldris/forráðamanns.
Þess má geta að í Feyki í næstu viku verður rætt við fjóra sérfræðinga sem starfa hjá Selasetrinu.
Höf. rzg
Senda grein
Prenta greinFleiri fréttir
-
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira -
Komið að skuldadögum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.06.2025 kl. 11.17Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil.Meira -
Skáksambandið gaf Húnabyggð útitafl
feykir.is Austur-Húnavatnssýsla, Mannlíf, Lokað efni 20.06.2025 kl. 07.44Nú stendur yfir Íslandsmótið í skák í vöggu skákíþróttarinnar á Íslandi, Blönduósi. 100 ára afmælismót Skáksambands Íslands fer fram dagana 13.-22. júní. Nú á 17. júní þá afhenti sambandið Húnabyggð útitafl að gjöf í tilefni afmælisins og er það staðsett á lóð Húnaskóla.Meira -
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira
