Síðasti dansinn var stiginn við Skansinn
Króksarar komnir af alléttasta skeiði sem fylgst hafa með fréttum í dag hafa mögulega blakað eyrum þegar þeir heyrðu talað um að Blátindur VE21 hafi sokkið í höfninni í Vestmannaeyjum í morgun. Blátindur var áður SK88 og því fastagestur í Sauðárkrókshöfn, en hann og Týr SK33 voru lengi stærstu vélbátarnir sem gerðir voru út frá Króknum.
Bæði Blátindur og Týr sem lengi lágu í nágrenni við hvorn annan við Syðraplanið á Króknum, stundum líka kallað Kristinsplan, voru báðir orðnir safngripir á efri árum. Týr tekur sig nú vel út á Síldarminjasafninu á Siglufirði, gjöf frá Svf. Skagafirði til safnsins, en Blátindur var gerður upp um aldamótin og lá nú síðast við Skansinn í Eyjum.
Blátindur var byggður í Vestmannaeyjum árið 1947, 18,4 metrar að lengd og ríflega fimm metra breiður, og gerður út frá Eyjum fyrstu árin. Síðan frá Keflavík, þá Reykavík og Grindavík. Samkvæmt heimildum Feykis er Blátindur skráður SK88 árið 1970 en er þá í eigu Lúðvíks Gizurarsonar en Fiskiðja Sauðárkróks er skráður eigandi árið 1972. Tindar sf. gera Blátind út frá Sauðárkróki frá árinu 1982 og hann er síðan seldur kvótalaus til Ólafsfjarðar 1990. Meðal þeirra sem stigu ölduna með Blátindi má nefna Stebba Páls, Mannsa, Agga Sveins, Hörð Fríðu og Kalla Hólm en sennilega hafa nú allnokkrir sjóarar komið við í Blátindi í gegn um tíðina.
Í skýrslu Helga Mána Sigurðssonar frá árinu 2019, Stakir bátar, kemur fram að Blátindur hafi verið byggður af Dráttarbraut Vestmannaeyja hf. en meistari var Gunnar Marel Jónsson. Smíði Blátinds var hluti af raðsmíði fiskiskipa fyrir tilstilli ríkisstjórnarinnar til endurnýjunar á fiskiskipaflota þjóðarinnar í stríðslok og var hann meðal stærstu og glæstustu fiskiskipa Vestmanneyinga þegar honum var hleypt af stokkunum 1947. Sem fyrr segir var Blátindur gerður út frá ýmsum verstöðvum vestan og norðan lands og var meira að segja búinn fallbyssu og notaður sem varðskip í Faxaflóa sumrin 1950 og 1951.
Í frásögn Árna Johnsen í fyrrnefndri skýrslu segir að Tryggvi Sigurðsson, vélstjóri og bátamódelsmiður, langafabarn Gunnars Marels, hafi séð Blátind í reiðileysi á Ólafsfirði sumarið 1992 og trúði vart sínum eigin augum, að báturinn væri enn til og héti Blátindur. Eyjamenn beittu sér fyrir því að eignast bátinn og dró Landhelgisgæslan hann til Vestmannaeyja árið 1993. Nánar má lesa um verndunarsögu Blátinds á bls. 25-27 í skýrslunni Stakir bátar.
Blátindur var færður á endanlegan stað, að Skansinum, vorið 2018 en í óveðrinu sem gengur nú yfir landið greip Blátind gömul útþrá, hann sleit sig frá bryggju og flaut um höfnina nokkra stund áður en hann sökk.
Sjá frétt á mbl.is >
Sjá umfjöllun Þórhalls Ásmundssonar úr Degi 1986, Dagur við skelveiðar á Skagafirði >
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.