Síðsumarsferð með fiðlu og ljóð
Næstu daga ætla feðginin Sólveig Vaka Eyþórsdóttir og Eyþór Árnason að ferðast um landið með viðburð þar sem tónum og tali er blandað saman. Sólveig Vaka mun leika einleiksverk á fiðlu eftir J.S. Bach, Hróðmar Inga Sigurbjörnsson og frumflytja nýtt verk eftir Friðrik Margrétar-Guðmundsson, sem hann samdi fyrir hana í ár. Eyþór Árnason var nýverið tilnefndur til Maístjörnunnar, ljóðabókaverðlauna sem Rithöfundasamband Íslands og Landsbókasafn Íslands – Háskólabókasafn stofnuðu nýverið til, fyrir bestu ljóðabók ársins, Ég sef ekki í draumheldum náttfötum. Hann flytur ljóð úr bókinni, sem og eldri bókum sínum.
Sólveig Vaka hefur stundað fiðlunám frá átta ára aldri, en hér heima á Íslandi lærði hún í Tónmenntaskóla Reykjavíkur, og síðar í Tónlistarskólanum í Reykjavík og Listaháskóla Íslands. Hún lauk nýverið við fyrsta árið af fjórum í bachelor-námi við Tónlistarháskólann í Leipzig, þar sem hún er nemandi Erichs Höbarths.
Eyþór Árnason er, eins og mörgum lesendum er kunnugt, sveitapiltur frá Uppsölum í Blönduhlíð og útskrifaðist úr Leiklistarskóla Íslands vorið 1983. Vorið 1987 hóf hann störf hjá Stöð 2 þar sem hann vann sem sviðsstjóri til ársins 2005 og sem sviðsstjóri hjá Saga film árin 2005-2009. Frá opnun Tónlistar- og ráðstefnuhússins Hörpu hefur hann svo starfað sem sviðsstjóri þar.
Eyþór hefur gefið út fjórar ljóðabækur: Hundgá úr annarri sveit (2009), en fyrir hana fékk hann Bókmenntaverðlaun Tómasar Guðmundssonar, Svo ég komi aftur að ágústmyrkrinu (2011), Norður (2015) og Ég sef ekki í draumheldum náttfötum (2016).
„Hún spilar og ég les á milli, við höfum þetta svolítið á víxl. Þetta eru semsagt ljóð eftir mig sem ég mun lesa, ég mun grauta eitthvað í flestum bókunum sem ég hef gefið út. Þetta verður svolítið hingað og þangað, planið er að byrja á fyrstu bókinni og enda á þeirri síðustu, og svo verða einhverjir útúrdúrar inn á milli svo Vaka fái ekki leið á því að heyra alltaf sömu ljóðin á öllum stöðunum,“ segir Eyþór í samtali við mbl.is á mánudaginn.
Viðkomustaðir feðginanna á Norðurlandi vestra verða sem hér segir:
Miklabæjarkirkja 3. september kl. 16:00
Hóladómkirkja, 4. september kl. 20:00
Þingeyrakirkja, 5. september kl. 20:00.
Aðgangur er ókeypis og eru allir boðnir hjartanlega velkomnir.
Fleiri fréttir
-
Hæfileikabúnt frá Húnaþingi vestra sigruðu í Fiðringi 2025
feykir.is Vestur-Húnavatnssýsla, Listir og menning, Lokað efni 08.05.2025 kl. 14.38Þeim er margt til lista lagt nemendunum í Grunnskóla Húnaþiings vestra og þessi vetur hlýtur að verða þeim mörgum minnistæður. Fyrir jól áttu nemendur eitt af þeim þremur lögum sem þóttu skara fram úr í Málæði, í síðustu viku tryggði lið skólans sér sæti í úrslitum í Skólahreysti og í gær sigraði atriði skólans í Fiðringi 2025, hæfileikakeppni fyrir nemendur í 8.-10. bekk, sem haldin var á Akureyri.Meira -
Nýsköpun sem drifkraftur | Freyja Rut Emilsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.05.2025 kl. 14.18Nýsköpun er ekki bara orð til að nota á tyllidögum og í kosningabaráttu, nýsköpun er drifkraftur framþróunar, hvort sem það er í litlum fyrirtækjum á landsbyggðinni eða stórum alþjóðlegum fyrirtækjasamsteypum. Nýsköpun opnar nýjar leiðir, skapar ný störf, eykur hagkvæmni og gerir okkur – bæði sem einstaklinga og samfélög, betur í stakk búin til að takast á við þær áskoranir sem blasa við, grípa þau tækifæri sem bjóðast og skapa ný. Fyrirtæki og samfélög sem fóstra og næra nýsköpunarhugsun og nýsköpunarverkefni eru lykillinn að sjálfbærum vexti, bættum lífsgæðum og framþróun sama hvaða atvinnugreinar horft er til.Meira -
Innlyksa á Húsabakka í Skagafirði
feykir.is Skagafjörður 08.05.2025 kl. 12.37Í gær kom tilkynning frá Almannavarnadeild Ríkislögreglustjóra um mikla vatnavextir í Austari Jökulsá og Héraðsvötnum. Ábúendur á Syðri og Ytri Húsabakka hafa fundið vel fyrir þessum vatnavöxtum enda innlyksa og skemmdir á vegum og túnum ekki skýr að svo stöddu.Meira -
Strandveiðin byrjaði á mánudaginn
feykir.is Skagafjörður, Lokað efni 08.05.2025 kl. 12.15Það verður fjör hjá smábátaeigendum í sumar því strandveiðitímabilið byrjaði af fullum krafti á mánudaginn síðastliðinn. Fyrir þá sem sóttu um leyfið og fengu geta sótt sjóinn í alls 48 daga. Þessir dagar skiptast niður í 12 daga á mánuði í fjóra mánuði og má einungis róa á mán., þrið., mið. og fimmtudögum. Þá má fiska 774 kíló á dag og á þetta fyrirkomulag að tryggja fullt jafnræði milli landshluta en sl. ár hefur strandveiðin verið stöðvuð löngu áður en tímabilið er búið, eða um miðjan júlí.Meira -
Klara Sveinbjörnsdóttir og lið Storm Rider sigruðu KS deildina
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 12.08Úrslit í Meistaradeild KS urðu ljós þegar lokakeppnin fór fram að kvöldi 2. maí, í Svaðastaðahöllinni á Sauðárkróki þegar keppt var í tölti og flugskeiði. Mikil eftirvænting var fyrir kvöldinu því þá kæmi í ljós hverjir stæðu uppi sem heildarsigurvegarar bæði í einstaklings- og liðakeppni.Meira
