Siggi Donna áfram hjá Tindastól
Sigurður Halldórsson var í gær ráðinn þjálfari Tindastóls en liðið mun leika í 2. deild á komandi keppnistímabili. Hann mun jafnframt þjálfa 2. flokk karla. Sigurður Halldórsson stýrði liði Tindastóls á síðastu leiktíð en þá vann liðið sig upp og varð meistari í þriðju deild.
Mikil ánægja er innan raða Tindastóls með þessa ráðningu en Sigurður gjörþekkir innviði Tindastóls og samfélagsins fyrir norðan. Sigurður þjálfaði Tindastól um nokkurra ára skeið fyrir um 10 árum síðan og kom þá liðinu upp í 1. deild. Þar náði liðið 5. sæti sem er einn besti árangur liðsins frá upphafi.
Sigurður Halldórsson er án efa einn reynslumesti þjálfari landsins. Hann á að baki 24 ára feril sem þjálfari m.fl og 2. fl. og hefur á þeim tíma farið fimm sinnum upp um deild með lið sitt. Hann hefur sem 2. flokks þjálfari unnið til 4 Íslandsmeistaratitla og einnig orðið Bikarmeistari einu sinni.
Sigurður á einnig farsælan feril að baki sem leikmaður, hann lék um 250 leiki með m.fl. ÍA og einnig lék hann 13 A landsliðsleiki fyrir Íslands hönd. Sem leikmaður hampaði hann 4 Íslandsmeistaratitlum og 4 Bikarmeistaratitlum með liði sínu ÍA.
Þegar Sigurður tók við Tindastólsliðinu fyrir síðasta keppnistímabil töldu margir liðið ekki nægjanlega sterkt til að koma sér upp. Stjórn knattspyrnudeildarinnar og Sigurður tóku þá farsælu ákvörðun að nota fyrst og fremst heimamenn enda gríðarlega góður efniviður að skila sér upp í elstu flokkana. Þessi ákvörðun skilaði sér svo sannarlega og áfram verður byggt á því sem fyrir er.
Nú fer í hönd vinna við að búa til leikmannahópinn fyrir komandi keppnistímabil í 2. deild. Það er hinsvegar ekki ólíklegt að liðið þurfi að styrkja sig eitthvað enda átökin meiri, leikirnir fleiri og tímabilið lengra, allt mun þetta koma í ljós þegar nær dregur sumri.
Sigurður Halldórsson verður staðsettur á Sauðárkróki í vetur sem er mikilvægt fyrir alla þá leikmenn sem eru fyrir norðan. Hinsvegar eru nokkrir lykilmenn liðsins staðsettir í Reykjavík yfir vetrarmánuðina og munu þeir æfa þar.
Stefnt er að því að liðið spila 4 - 5 leiki fyrir áramót.
Fleiri fréttir
-
Allir að róa í sömu átt
feykir.is Skagafjörður, Íþróttir, Lokað efni 06.05.2025 kl. 15.38Í gærkvöldi varð ljóst hverjir andstæðingar Tindastóls verða í einvíginu um Íslandsmeistaratitilinn í körfunni. Þá áttust Stjarnan og Grindavík við í oddaleik en leikir liðanna höfðu verið æsispennandi og það varð engin breyting á því í gær. Það var lið Stjörnunnar sem hafði betur eftir dramatík í lokin. Fyrsti leikurinn í einvígi Tindastóls og Stjörnunnar verður í Síkinu á fimmtudaginn.Meira -
Háholt er ekki heldur inni í myndinni hjá Guðmundi Inga
feykir.is Skagafjörður, Lokað efni 06.05.2025 kl. 13.24Ráðherra barnamála, Guðmundur Ingi Kristinsson, er á sömu skoðun og fyrrverandi barnamálaráðherra, Ásthildur Lóa Þórsdóttir, varðandi vistun barna í Háholti í Skagafirði og telur Háholt ekki koma til greina sem meðferðarheimili fyrir börn. Í frétt á vef RÚV segir að neyðarvistun, afplánun og gæsluvarðhald verði áfram á Stuðlum.Meira -
Söngskemmtun á Löngumýri
feykir.is Skagafjörður, Austur-Húnavatnssýsla, Vestur-Húnavatnssýsla 06.05.2025 kl. 08.28Sönghópur félags eldri borgara í Skagafirði heldur söngskemmtun á Löngumýri í Skagafirði sunnudaginn 11. maí 2025 kl. 15:00. Aðgangur kr. 3.000,- enginn posi. Verið velkomin. StjórninMeira -
Grunnskóli Húnaþings vestra í úrslit
feykir.is Skagafjörður, Vestur-Húnavatnssýsla, Lokað efni 05.05.2025 kl. 15.27Það má segja að mjótt hafi verið á munum þegar Grunnskóli Húnaþings vestra sigraði í sínum riðli í Skólahreysti í síðustu viku. Lið skólans hlaut 42 stig og komst áfram í úrslit Skólahreystis.Meira -
Umhverfisdagur á Skagaströnd 8. maí
feykir.is Austur-Húnavatnssýsla, Mannlíf, Lokað efni 05.05.2025 kl. 15.21Fimmtudaginn 8. maí kl. 16:00 - 18:00 ætla Skagstrendiingar að taka saman höndum og týna rusl í bænum sínum. „Við ætlum að hittast í áhaldahúsinu þar sem skipað verður í leitir (ruslaleitir) og afhentir pokar. Allir sem vettlingi geta valdið, fullorðnir sem börn, eru hvattir til að koma og taka þátt,“ segir í skilaboðum frá Helenu Mara, Sigríði Björk og Gígju Heiðrúnu á vef Skagastrandar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.