Sigur á Snæfelli í skemmtilegum leik
Tindastólsmenn náðu að hefna fyrir tap í framlengingu í fyrri leik sínum við Snæfell í Lengjubikarnum með því að bera sigurorð af þeim í Síkinu í kvöld í jöfnum og skemmtilegum leik. Heimamenn leiddu lengstum en munurinn varð aldrei mikill og lokamínúturnar æsispennandi og fjörugar. Lokatölur 86-84 fyrir Tindastól.
Liðunum gekk frekar illa að hitta í körfuna í byrjun leiks en Helgi Rafn náði að starta Stólunum og leiddi Tindastóll að loknum fyrsta leikhluta, staðan 17-15. Snæfell náði að jafna í byrjun annars leikhluta en síðan kom góður kafli hjá Stólunum þar sem Pálmi Geir lét að sér kveða, gerði 5 stig, og munurinn varð mestur 7 stig, staðan 38-31. Munurinn fimm stig í leikhléi, 40-35.
Í þriðja leikhluta hélt spennan áfram og Jón Ólafur Jónsson var Stólunum erfiður. Snæfellingar náðu að jafna 40-40 en aftur náðu heimamenn frumkvæðinu, komust í 57-50 eftir 3ja stiga körfu frá Helga Margeirs, en ekki leið langur tími þar til staðan var aftur jöfn, 59-59, og þannig var einmitt staðan áður en fjórði leikhluti hófst. Hann var æsispennandi. Tindastólsmenn voru með örlitla forystu, spiluðu fína vörn og náðu mest að komast 6 stigum framúr. En þegar tæpar tvær mínútur voru eftir komust gestirnir yfir 78-79 en Svavar svaraði með 3ja stiga körfu en Jón Ólafur jafnaði 81-81. Næstu þrjú stigin gerði Svavar af vítalínunni og um 20 sekúndur eftir. Sheldon minnkaði muninn í eitt stig og staðan 84-83. Brotið var á Maurice Miller og hann setti bæði vítin niður og aðeins um 7 sekúndur eftir. Brotið var á Sheldon þegar 4 sekúndur voru eftir, hann hitti úr fyrra skotinu en það síðara geigaði, Snæfellingar náðu boltanum en komu ekki almennilegu skoti á körfuna og Tindastólsmenn fögnuðu sigri, 86-84.
Leikur Tindastóls var á köflum ágætur í kvöld og allt önnur og betri barátta í vörninni. Sóknarleikurinn hefur líka tekið framförum og vonandi að liðið fari nú að hala inn stig í Iceland Express-deildinni. Í heild átti Tindastólsliðið ágætan leik og uppskar góðan sigur sem var vel fagnað. Að leik loknum fögnuðu Tindastólsmenn og stuðningsmenn því að Kári Mar varð 60 ára unglingur í dag með því að syngja afmælissönginn fyrir hann.
Stig Tindastóls: Miller 18, Hampton 15, Svavar 15, Helgi Rafn 12, Rikki 11, Helgi Margeirs 7, Pálmi Geir 5 og Þröstur Leó 3.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
