Sigur í síðasta heimaleiknum
Þeir voru í það minnsta þrír Kárarnir sem heiðruðu Sauðárkróksvöll með nærveru sinni í dag þegar Tindastóll lék síðasta heimaleik sinni í 2. deildinni í bili. Það var nefnilega lið Kára frá Akranesi sem var andstæðingur Tindastóls, í liði Kára var Eggert Kári og svo var það Kári vindur sem setti kannski mest mark sitt á leikinn því það var bæði rok og rigning á meðan hann fór fram. Tindastólsmönnum tókst að leggja gestina að velli og sigruðu 3-2.
Lið Tindastóls fékk meistarabyrjun og var komið í 3-0 þegar 11 mínútur voru liðnar. Fyrsta markið gerði Hafsteinn Ingi og síðan bætti Arnar Ólafsson við mörkum á 9. og 11. mínútu. Þannig stóð í hálfleik. Gestirnir minnkuðu muninn í 3-1 á 64. mínútu með marki Guðlaugs Brandssonar úr vítaspyrnu. Á 89. mínútu gerði Indriði Þorláksson annað mark Kára og á fyrstu mínútu uppbótartíma fékk Benni að líta rauða spjaldið. Tindastólsmenn lifðu þó af síðustu mínúturnar einum færri og fögnuðu sjaldgæfum sigri.
Leikurinn hafði í sjálfu sér litla þýðingu, lið Tindastóls var fallið og Kári öruggur með sæti sitt í deildinni. Með sigrinum komu Stólarnir sér upp fyrir 10 stiga múrinn og eru með 12 stig fyrir lokaumferðina. Það eru Garðbæingar í KFG sem fylgja Stólunum niður í 3. deild en á toppi deildarinnar eru það Leiknir Fáskrúðsfirði, Vestri Ísafirði og Selfoss Selfossi sem berjast um sætin tvö í Inkasso-deildinni.
Í lokaumferðinni eiga Tindastólsmenn það verkefni fyrir höndum að mæta Vestra fyrir vestan. Það er Bjarni Jó, fyrrum þjálfari Tindastóls, sem þjálfar Ísfirðingana og hafa Stólarnir í nokkurn tíma verið lagnir við að gera Bjarni gramt í geði á fótboltavellinum. Sigur fleitir Vestra upp en ólíklegt er að jafntefli dugi ti. Lið Vestra er í öðru sæti 2. deildar með 42 stig, Fáskrúðsfirðingar eru á toppnum með 43 og mæta grönnum sínum í Fjarðabyggð í lokaumferðinni. Selfoss er í þriðja sæti með 41 stig. Það stefnir því í háspennuhelgi hjá toppliðunum.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.