Sigur sameinaðra á Selfossi
Lið Tindastóls/Hvatar lék við lið Árborgar á Selfossi í gær og var afar mikilvægt fyrir okkar menn að fara með sigur af hólmi og tryggja stöðu sína á toppi 2. deildar fyrir síðustu þrjár umferðirnar í deildinni sem verða strembnar. Það gekk eftir, sigur vannst og æsispenna framundan.Samkvæmt frétt á fótbolti.net var leikurinn frekar bragðdaufur í fyrri hálfleik og fátt markvert gerðist annað en að Árni Arnarson skoraði með ágætu skoti um miðjan hálfleikinn. Arnar Sigurðsson bætti við öðru marki strax í upphafi síðari hálfleiks og bæði lið fengu ágæt færi í kjölfarið. Það var síðan Arnar sem bætti við öðru marki sínu í leiknum á lokamínútunum. Glæsilegur 0-3 sigur staðreynd.
Sem fyrr segir á lið Tindastóls/Hvatar eftir að spila þrjá leiki í deildinni og eru þeir allir gegn liðum af Norðurlandi. Um næstu helgi kemur lið Dalvíkur/Reynis í heimsókn á Blönduós en þeir Eyfirðingar hafa líkt og lið Tindastóls/Hvatar verið á fínu skriði upp á síðkastið. Síðan verður baráttuleikur á Ólafsfirði gegn sameinuðum Sigl- og Ólafsfirðingum og loks fáum við Völsunga frá Húsavík í heimsókn á Krókinn í síðustu umferð sem verður leikin 17. september. Það er því von á taugastrekkjandi viðureignum í september og strákarnir eiga skilið góðan stuðning eftir frábært sumar í boltanum. Áfram Tindastóll/Hvöt!
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
