Skagafjörður og Viljandi villt
Sagt er frá því á heimasíðu Skagafjarðar að sveitarfélagið muni á komandi árum taka þátt í verkefninu Viljandi villt en sífellt færist í aukana að sveitarfélög leyfi völdum flötum í þéttbýli að vaxa villt. Um er að ræða einfalda og sýnilega leið til að skapa meira rými fyrir náttúruna, auka líffræðilega fjölbreytni og gera umhverfið líflegra.
„Þessi svæði þurfa ekki að vera merki um hirðuleysi, heldur eru þetta meðvituð græn svæði þar sem náttúran fær meira rými til að dafna,“ segir í fréttinni. „Helsti ávinningurinn af þessu verkefni er aukin líffræðileg fjölbreytni líkt og hefur komið fram. Blómríkar grasflatir veita skordýrum, fuglum og öðrum smádýrum fæðu og skjól og geta myndað mikilvæga tengingu milli garða og opinna svæða. Þetta er sérstaklega mikilvægt þar sem hefðbundnar, stutt slegnar grasflatir hafa oft takmarkað gildi fyrir lífríkið. Viljandi villt svæði draga þá einnig úr kostnaði þar sem sláttur er færður niður í færri skipti eða sleppt yfir sumarið á hentugum svæðum.
Með því að leyfa hentugum svæðum að vaxa getur Skagafjörður sýnt í verki að snyrtilegt þéttbýli og ríkara lífríki fara vel saman. Á komandi árum stendur til að fjölga þessum svæðum þar sem gróðri er leyft að vaxa viljandi.“
Hvernig virkar verkefnið?
- Valin svæði eru slegin sjaldnar eða alls ekki yfir sumarið.
- Villtar plöntur fá að blómstra og mynda fræ.
- Blómin veita meðal annars skordýrum fæðu og geta aukið fjölbreytni lífríkisins.
- Flest svæði eru síðan slegin einu sinni síðsumars eða að hausti, meðal annars til að koma í veg fyrir mikla sinuuppsöfnun.
- Þetta þýðir því ekki endilega að svæðin séu látin vera algjörlega óhirt; hugmyndin er frekar að breyta umhirðunni.
Verkefnið á rætur að rekja til Héraðs/Múlaþings, þar sem sveitarfélagið hefur um árabil prófað að draga úr slætti á völdum svæðum. Reynslan hefur verið talin góð og fleiri sveitarfélög hafa tekið hugmyndina upp.
Fleiri fréttir
-
Umsóknarfrestur er til miðnættis
feykir.is Skagafjörður, Austur-Húnavatnssýsla, Vestur-Húnavatnssýsla 01.09.2026 kl. 11.50Nú er umsóknarfresti að ljúka í Startup Landið 2026, nýsköpunarhraðal fyrir frumkvöðla og nýsköpunarteymi á landsbyggðinni. Hraðallinn er samstarfsverkefni landshlutasamtaka og atvinnuþróunarfélaga um land allt, þar á meðal Austurbrúar, og er markmið hans að styðja þátttakendur við að þróa hugmyndir sínar, efla viðskiptahæfni og byggja upp öflugt tengslanet. Umsóknarfrestur er til miðnættis 1. september.Meira -
Það styttist í að körfuboltinn fari á fullt
feykir.is Skagafjörður, Íþróttir 01.09.2026 kl. 09.24Það er fyrsti dagur septembermánaðar í dag, heiður himinn og sólin skín sem aldrei fyrr, Þá er heldur betur ekki ónýtt að birta lista yfir leiki Tindastólsliðanna sem framundan eru í mánuðinum og það er nóg af leikjum þó einhverjir sakni þess kannski hversu fáir fara fram í Síkinu.Meira -
Tveggja turna tal norður af Hrauni
feykir.is Skagafjörður, Lokað efni 31.08.2026 kl. 19.31Það hefur mátt sjá nokkrar myndir á samfélagsmiðlum undanfarna daga af borgarísjaka úti fyrir Skagafirði. Feyki bárust rétt í þessu myndir af þessum tígulega tveggja turna jaka þar sem hann dólar um 1-2 kílómetra beint norður af vitanum á Hrauni á Skaga.Meira -
Fjölskylduhlaup 10. september í tilefni af Gulum september
feykir.is Skagafjörður, Mannlíf 31.08.2026 kl. 15.39Kaupfélag Skagfirðinga og Vörumiðlun leggja verkefninu Gulur september lið en það stuðlar að vitundarvakningu um geðrækt og sjálfsvígsforvarnir. Á alþjóðlegum forvarnardegi sjálfsvíga, fimmtudaginn 10. september, verður því blásið til skemmtihlaups á Sauðárkróki fyrir alla fjölskylduna.Meira
