Það styttist í að körfuboltinn fari á fullt
Það er fyrsti dagur septembermánaðar í dag, heiður himinn og sólin skín sem aldrei fyrr, Þá er heldur betur ekki ónýtt að birta lista yfir leiki Tindastólsliðanna sem framundan eru í mánuðinum og það er nóg af leikjum þó einhverjir sakni þess kannski hversu fáir fara fram í Síkinu.
Fyrsti leikur strákanna verður í Síkinu 10. september þegar lið Hattar frá Egilsstöðum kemur í heimsókn. Upp úr miðjum mánuði taka strákarnir þátt í 3ja liða móti á Egilsstöðum þar sem nýliðar Hattar og Sindra frá Höfn eru mótherjarnir. Skömmu síðar halda strákarnir utan og slá þrjár flugur í einu höggi í ENBL-deildinni. Fyrsti leikurinn er í Lettlandi 23. september, annar leikurinn í Litháen 27 september og sá þriðji í Englandi 30. september.
Auk þessara liða verða andstæðingar Tindastóls frá Austurríki, Sviss, Þýskalandi og Króatíu. Átján lið taka þátt í ENBL-deildinni í vetur og er Tindastóll í A-riðli. Eitt sæti er óskipað í riðlinum.
Áætlað er að kvennalið Tindastóls spili fjóra æfingaleiki áður en keppni í Bónus-deildinni hefst, þrír þeir fyrstu verða spilaððir fyrir sunnan en lið Ármanns kemur í Síkið 24. september. Hér að neðan má sjá lista yfir leikina:
Karlalið Tindastóls:
10.sept kl 19.15 Mfl kk. Æfingaleikur, Tindastóll – Höttur, Sauðárkróki
17.sept kl 19.15 Mfl kk. Æfingaleikur, Höttur – Tindastóll, Egilsstöðum
19.sept kl 14.00 Mfl kk. Æfingaleikur, Sindri – Tindastóll, Egilsstöðum
23.sept. Mfl kk. ENBL, Leipaja – Tindastóll (nánari upplýsingar síðar)
27.sept. Mfl kk. ENBL, Jonova – Tindastóll (nánari upplýsingar síðar)
30.sept. Mfl kk. ENBL, Bristol – Tindastóll (nánari upplýsingar síðar)
Kvennalið Tindastóls:
12.sept kl 18.00. Mfl kvk. Æfingaleikur, Ármann – Tindastóll, Reykjavík
13.sept kl 17.00. Mfl kvk. Æfingaleikur, Haukar – Tindastóll, Hafnarfirði
20.sept kl 16:00 Mfl kvk. Æfingaleikur, Njarðvík – Tindastóll, Njarðvík
24.sept. kl 19.00 Mfl kvk. Æfingaleikur, Tindastóll – Ármann, Sauðárkróki
Fleiri fréttir
-
Umsóknarfrestur er til miðnættis
feykir.is Skagafjörður, Austur-Húnavatnssýsla, Vestur-Húnavatnssýsla 01.09.2026 kl. 11.50Nú er umsóknarfresti að ljúka í Startup Landið 2026, nýsköpunarhraðal fyrir frumkvöðla og nýsköpunarteymi á landsbyggðinni. Hraðallinn er samstarfsverkefni landshlutasamtaka og atvinnuþróunarfélaga um land allt, þar á meðal Austurbrúar, og er markmið hans að styðja þátttakendur við að þróa hugmyndir sínar, efla viðskiptahæfni og byggja upp öflugt tengslanet. Umsóknarfrestur er til miðnættis 1. september.Meira -
Skagafjörður og Viljandi villt
feykir.is Skagafjörður 01.09.2026 kl. 10.56Sagt er frá því á heimasíðu Skagafjarðar að sveitarfélagið muni á komandi árum taka þátt í verkefninu Viljandi villt en sífellt færist í aukana að sveitarfélög leyfi völdum flötum í þéttbýli að vaxa villt. Um er að ræða einfalda og sýnilega leið til að skapa meira rými fyrir náttúruna, auka líffræðilega fjölbreytni og gera umhverfið líflegra.Meira -
Tveggja turna tal norður af Hrauni
feykir.is Skagafjörður, Lokað efni 31.08.2026 kl. 19.31Það hefur mátt sjá nokkrar myndir á samfélagsmiðlum undanfarna daga af borgarísjaka úti fyrir Skagafirði. Feyki bárust rétt í þessu myndir af þessum tígulega tveggja turna jaka þar sem hann dólar um 1-2 kílómetra beint norður af vitanum á Hrauni á Skaga.Meira -
Fjölskylduhlaup 10. september í tilefni af Gulum september
feykir.is Skagafjörður, Mannlíf 31.08.2026 kl. 15.39Kaupfélag Skagfirðinga og Vörumiðlun leggja verkefninu Gulur september lið en það stuðlar að vitundarvakningu um geðrækt og sjálfsvígsforvarnir. Á alþjóðlegum forvarnardegi sjálfsvíga, fimmtudaginn 10. september, verður því blásið til skemmtihlaups á Sauðárkróki fyrir alla fjölskylduna.Meira
