Skagfirskur jóla- og menningarandi á MicroBar
Það verður sannkölluð skagfirsk menningarstund með jólaívafi á MicroBar við Austurvöll í Reykjavík nk. fimmtudagskvöld 20. desember frá kl. 19:30 til 21. Þetta er viðburður sem burtfluttir Skagfirðingar ættu ekki að láta framhjá sér fara, um leið og þeir bregða sér kannski í bæinn í verslunar- og menningarleiðangur fyrir jólin. Kynning verður á þremur skagfirskum menningarafurðum sem gefin voru út fyrir þessi jól, matreiðslubókinni Eldað undir bláhimni, kvikmyndinni Óbærilegur léttleiki Laufskálaréttar og Skagfirskum skemmtisögum 2.
Höfundar og ritstjórar verkanna mæta á svæðið og bjóða þau á kostakjörum, árita, lesa upp og kynna. MicroBar, sem eins og Skagfirðingum er kunnugt, er í eigu brugghússins hans Árna Hafstað í Útvík, Gæðings Öls. Af þessu tilefni verður "skagfirskt happyhour" á barnum milli kl. 19 og 21 og Microbjórinn boðinn á 500 kall. Barinn er við Austurstræti, innangengt þaðan gegnum hótel City Center, en megininngangur er hinum megin frá, í Vallarstræti, sundinu milli Ingólfstorgs og Austurvallar.
Heiðdís Lilja Magnúsdóttir ritstýrir sem kunnugt er matreiðslubókinni og ljósmyndarar eru Pétur Ingi Björnsson og Óli Arnar Brynjarsson. Nýprent gefur bókina út.
Árni Gunnarsson frá Flatatungu framleiðir kvikmyndina um Laufskálaréttir, sem hann og fyrirtæki hans, Skotta Film, hafa unnið að undanfarin ár.
Björn Jóhann Björnsson tók skagfirskar skemmtisögur saman öðru sinni og útgefandi er Bókaútgáfan Hólar.
/BJB
Fleiri fréttir
-
Kristján Bjarni nýr skólastjóri Árskóla
feykir.is Skagafjörður 23.05.2025 kl. 09.59Kristján Bjarni Halldórsson hefur verið ráðinn í starf skólastjóra Árskóla á Sauðárkróki og mun hefja störf við upphaf næsta skólaárs í haust. Þetta kemur fram á vef Skagafjarðar.Meira -
Félagsleg samheldni eða firring? | Álfhildur Leifsdóttir skrifar
feykir.is Skagafjörður, Aðsendar greinar 22.05.2025 kl. 18.27Félagsheimilin í Skagafirði eru ekki bara hús, þau eru minnisvarðar um samstöðu, sjálfboðavinnu, vilja og þrótt samfélagsins. Þau voru byggð upp af fólkinu fyrir fólkið. Meirihluti Framsóknar og Sjálfstæðisflokks í sveitarstjórn Skagafjarðar samþykkti sölu á félagsheimilunum í Rípurhreppi og Skagaseli nýverið. Íbúar í Hegranesi hafa sýnt harða andstöðu við söluna, enda er þar vaxandi samfélag sem vill halda áfram að nota húsið sem fyrirrennarar þeirra byggðu í sjálfboðavinnu til að gleðjast og syrgja.Meira -
Sex sóttu um embætti skólameistara Fjölbrautaskóla Norðurlands vestra
feykir.is Skagafjörður, Austur-Húnavatnssýsla, Vestur-Húnavatnssýsla 22.05.2025 kl. 11.55Mennta- og barnamálaráðuneytinu bárust sex umsóknir um embætti skólameistara, Fjölbrautaskóla Norðurlands vestra á Sauðárkróki.Meira -
„Þeir bara gáfust aldrei upp!“
feykir.is Skagafjörður, Íþróttir, Lokað efni 22.05.2025 kl. 11.29„Ég hef verið betri, viðurkenni það. Þetta var mjög svekkjandi og ég verð örugglega alveg einhvern tíma að svekkja mig á þessu en maður jafnar sig fyrir rest,“ sagði Pétur Rúnar Birgisson fyrirliði körfuknattleiksliðs Tindastóls þegar Feykir spurði hann í morgun hvernig líðanin væri daginn eftir Leik. Stólarnir máttu bíta í það súra epli í gærkvöldi að tapa oddaleik gegn Stjörnunni í Síkinu í æsispennandi leik og því engin ástæða til kátínu.Meira -
Tillaga að miðbæjarumhverfi á Hofsósi
feykir.is Skagafjörður 22.05.2025 kl. 09.31Gefin hefur verið út tillaga að deiliskipulagi á Hofsósi, um er að ræða miðsvæði milli Túngötu og Skólagötu, liggur frammi til kynningar frá 21. maí til og með 4. júlí 2025. Deiliskipulagið gefur heildstætt yfirbragð þar sem áhersla er lögð á vistlegt miðbæjarumhverfi. Horft er til þess að uppbygging á svæðinu styrki samfélagið og nýti innviði betur.Meira
