Skemmtikvöld í Höfðaborg til styrktar Bernharði Leó
Nk. laugardagskvöld, 16. mars, verður haldið skemmtikvöld í Höfðaborg á Hofsósi og er tilefnið að safna fé til styrktar litlum dreng, Bernharði Leó Hjörvarssyni, og fjölskyldu hans. Foreldrar hans eru Bylgja Finnsdóttir og Hörvar Árni Leósson og búa þau í Laufkoti í Hjaltadal.
Bernharð Leó fæddist þann 28. september sl. og fljótlega var ljóst að ekki var allt með felldu þar sem drengurinn fékk mikla og kröftuga krampa. Eftir miklar rannsóknir kom á daginn að hann er með mjög sjaldgæfan genagalla eða stökkbreytt gen og eru aðeins 100 tilfelli þess greind í heiminum. Bernharð Leó er þriðji einstaklingurinn hér á landi og fyrsti strákurinn sem greinist með þennan sjúkdóm. Genagalla þessum fylgja breytingar á heilavef, flogaveiki sem er mjög kröftug og erfitt að ráða við og síðan geta fylgt fleiri hömlur sem tíminn einn mun leiða í ljós, t.d. erfiðleikar með gang sem hugsanlega mun binda hann við hjólastól, málþroski gæti orðið skertur o.fl.
Bylgja, móðir Bernharðs, segir að ágætlega gangi hjá honum, kramparnir hafi komið u.þ.b. einu sinni í mánuði en febrúar var þó mjög strembinn og kramparnir komu örar þá. Þar sem Bernharð er með þeim yngstu í heiminum sem greinist mun sú þekking sem komin er á genagallanum hjálpa honum og strax er byrjað að prófa á honum lyf sem hafa reynst vel fyrir þessi börn.
Styrktarreikningur hefur verið stofnaður fyrir Bernharð Leó og heldur faðir hans utan um hann. Reikningsnúmerið er 0310-13-3569, kt. 130587-3569.
Skemmtunin í Höfðaborg hefst kl. 20:30 á laugardaginn en húsið verður opnað kl. 20:00. Margt verður til skemmtunar, Guðrún Helga Jónsdóttir syngur við undirspil hljómsveitar sem sett var saman sérstaklega fyrir þetta kvöld. Hana skipa Einar Þorvaldsson, Rúnar Páll Hreinsson, Bjarni Salberg Pétursson og Kristján Reynir Kristjánsson. Kristín Sigurrós Einarsdóttir ætlar að segja skemmtilegar sögur eins og henni einni er lagið, Guðbrandur Guðbrandsson bregður sér í nýtt hlutverk, limbókeppni með valinkunnum keppendum úr héraði, Pub Quiz og sitthvað fleira. Margrét Berglind Einarsdóttir og Jóhanna Sveinbjörg Traustadóttir stýra kvöldinu.
Miðaverð er 2.500 kr. og rennur öll innkoma kvöldsins til fjölskyldunnar. Aldurstakmark er 18 ár.
Þessir aðilar leggja fram verðlaun í PubQuizinu: JK ehf, KS Hofsósi, Gróðurhúsið Starrastöðum, Bjórsetur Íslands, Skaptadætur, Kokkhús, Ferðaþjónustan á Vatni, Leikfélag Hofsóss, Króksbíó.
Fleiri fréttir
-
Jákvæður viðsnúningur hjá Húnaþingi vestra
feykir.is Vestur-Húnavatnssýsla 11.05.2024 kl. 00.55Húnahornið greinir frá því að Húnaþing vestra hafi í fyrra skilað 77,6 milljón króna rekstrarafgangi og er það umtalsvert betri niðurstaðan en fjárhagsáætlun ársins með viðaukum gerði ráð fyrir. Samkvæmt henni var gert ráð fyrir 86 milljón króna neikvæðri rekstrarniðurstöðu. Helsta skýringin er söluhagnaður rekstrarfjármuna sem nam 64,4 milljónum. Árið 2022 var rekstrarniðurstaða sveitarfélagsins neikvæð um 86 milljónir.Meira -
Bráðum verður hægt að hlaupa rathlaup í Húnabyggð
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 10.05.2024 kl. 14.03Um þessar mundir er verið að gera rathlaupakort í Húnabyggð og af því tilefni er boðið á námskeið í rathlaupum sunnudaginn 19. maí nk. kl.14-18.Meira -
Blönduósingurinn Eysteinn Pétur er nýr framkvæmdastjóri KSÍ
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 10.05.2024 kl. 13.28Varnarjaxlinn ólseigi, Eysteinn Pétur Lárusson, Blönduósingur og Bliki síðustu árin, hefur verið ráðinn framkvæmdastjóri KSÍ en hann mun hefja störf 1. september 2024. Eysteinn Pétur kemur til KSÍ frá Breiðabliki þar sem hann var framkvæmdastjóri aðalstjórnar og áður knattspyrnudeildar félagsins í rúm 10 ár.Meira -
Emma Katrín Íslandsmeistari í 2. deildinni í badminton
feykir.is Skagafjörður, Íþróttir 10.05.2024 kl. 12.42Meistaramót Íslands í badminton fór fram í húsnæði Badmintonfélags Hafnarfjarðar við Strandgötuna í Hafnarfirði dagana 25.-27.apríl. Tindastóll sendi einn keppandi til leiks, Emmu Katrínu Helgadóttur en hún keppti í 2. deild, spilaði mjög vel og vann mótið sannfærandi án þess að tapa lotu. Hún vann þannig fyrsta Íslandsmeistaratitill Tindastóls í fullorðinsflokki í badminton.Meira -
Starfsfólk SSV heimsótti kollegana í SSNV
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 10.05.2024 kl. 11.36Sagt er frá því á heimasíðu SSNV að starfsfólk frá Samtökum sveitarfélaga á Vesturlandi hafi heimsótt starfssystkini sín á Norðurlandi vestra nú í vikunni. „Við áttum tvo góða og skemmtilega daga saman þar sem við ræktuðum tengsl og ræddum saman um verkefni og áskoranir landshlutasamtaka,“ segir í fréttinni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.