Skotíþróttafólk Markviss 2017 eru Jón Brynjar og Snjólaug
Keppnistímabilinu er nú lokið í þeim skotgreinum sem stundaðar eru utanhúss og átti Skotfélagið Markviss níu keppendur í hagla- og kúlugreinum á keppnintímabilinu.
Stjórn Markviss hefur nú tilnefnt skótíþróttafólk úr sínum röðum til titilsins íþróttamaður ársins innan USAH. Að venju voru valdir einstaklingar úr bæði hagla- og kúlugreinum og árangur keppenda hafður til hliðsjónar við valið. Þau Snjólaug M.Jónsdóttir og Jón Brynjar Kristjánsson urðu fyrir valinu að þessu sinni en árangur þeirra beggja á árinu var frábær að því er segir í pistli frá stjórn félagsins á Húna.is.
Aðalkeppnisgrein Snjólaugar er Ólympískt Skeet þar sem hún vann alla titla sem í boði voru auk þess sem hún jafnaði Íslandsmet kvenna í final. Einnig keppti Snjólaug á Íslandsmeistaramótinu í Nordisk Trap sem fram fór á Akranesi. Varð hún sigurvegari í mótinu ásamt því að setja Íslandsmet í kvennaflokki. Snjólaug keppti á tíu mótum í þremur mismunandi haglagreinum og náði alls staðar mjög góðum árangri.
Aðalkeppnisgrein Jóns Brynjars undanfarin ár hefur verið BR50. Hann hafnaði í verðlaunasæti á öllum BR50 mótum sem hann tók þátt í á þessu ári. Einnig hefur hann verið að fikra sig yfir í keppnisgreinar með stærri rifflum og náð góðum árangri, t.d. hafnaði hann í fjórða sæti á Íslandsmeistaramóti STÍ í VFS (Varmint for Score) sem haldið var af Skotfélagi Húsavíkur nú í haust. Jón Brynjar keppti á tólf mótum með góðum árangri.
Fleiri fréttir
-
Rocky Horror í Hofi um helgina
feykir.is Skagafjörður, Austur-Húnavatnssýsla, Vestur-Húnavatnssýsla 07.05.2025 kl. 14.56Nemendafélag Fjölbrautaskóla Norðurlands vestra hefur undanfarin ár sett upp metnaðarfullar leiksýningar og fara nú í Hof á Akureyri með Rocky Horror.Meira -
„Ég hef trú á getu okkar til að ná árangri“
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 07.05.2025 kl. 14.54„Ég er mjög bjartsýnn á þennan hóp stráka. Við erum að koma seint saman en á þeim stutta tíma sem við höfum verið saman höfum við stigið stór skref í rétta átt,“ segir Dominic Furness, þjálfari Kormáks Hvatar þegar Feykir spurði hann hvort hann teldi að hópurinn hans væri að smella saman fyrir sumarið.Meira -
Dýrbítur í Austurdal
feykir.is Skagafjörður, Lokað efni 07.05.2025 kl. 12.55Refur lagðist á lömb á Stekkjarflötum í Austurdal, (Austurdalur er talinn byrja við Grjótá, svo bærinn telst ekki til Kjálka) í vikunni og urðu bændur þess varir aðfaranótt þriðjudags að lömb væru farin að hverfa af túninu og ummerki um aðfarir rebba sáust.Meira -
Gjaldfrjáls garðlönd Skagafjarðar
feykir.is Skagafjörður 07.05.2025 kl. 11.30Garðlönd sveitarfélagsins á Sauðárkróki, Varmahlíð (upp við Reykjarhólsskóg) og Hofsósi (Grafargerði) verða til reiðu á næstu dögum og gaman að segja frá því að þetta er á sömu staðsetningum og síðast.Meira -
Allir að róa í sömu átt
feykir.is Skagafjörður, Íþróttir, Lokað efni 06.05.2025 kl. 15.38Í gærkvöldi varð ljóst hverjir andstæðingar Tindastóls verða í einvíginu um Íslandsmeistaratitilinn í körfunni. Þá áttust Stjarnan og Grindavík við í oddaleik en leikir liðanna höfðu verið æsispennandi og það varð engin breyting á því í gær. Það var lið Stjörnunnar sem hafði betur eftir dramatík í lokin. Fyrsti leikurinn í einvígi Tindastóls og Stjörnunnar verður í Síkinu á fimmtudaginn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.