Skotta gerir samning við RUV
Skotta kvikmyndafjelag skrifaði nýverið undir samning þess efnis að það tæki að sér upptöku- og tæknivinnu fyrir Fréttastofu RUV þar sem Skagafjörður og Húnavatssýslur verði aðal fréttasvæðið.
-Þetta er jákvætt og gott skref fyrir Skottu. Ríkisútvarpið er öflugasti fjölmiðill landsins og Fréttastofa RUV sú sem nýtur mests trausts meðal landans. Þarna fáum við líka aðgang að mjög reyndu og færu fólki, segir Árni Gunnarsson eigandi Skottu.
Samningur Skottu við Fréttastofu RUV felur í sér efnisöflun fyrir sjónvarpsfréttir héðan af svæðinu, íþróttafréttir og efnisöflun fyrir fréttaþáttinn Landann. -Ég er ánægður með þetta samstarf og vonandi verður það til hagsbóta fyrir alla aðila, okkur, Fréttastofuna og íbúa á svæðinu.
Starfsemi Skottu fluttist um áramótin í nýtt húsæði við Aðalgötu 24 á Sauðárkróki, þar sem rafmagnsverkstæðið Tengill var áður til húsa. Þar eru 3-4 starfsmenn að staðaldri í kvikmyndagerð, upptökum á tónlist og hljóðvinnslu.
Hvað er aðallega í vinnslu hjá ykkur núna?
-Við erum að skila fimm sjónvarpsþáttum til sjónvarpsstöðvarinnar ÍNN, sem sýndir verða í febrúar og mars. Vídeógagnagrunnur með sjónvarpsefni úr landbúnaði og sjávarútvegi er í vinnslu. Stærsta verkefnið er að ljúka við gerð heimildarmyndar um lífskúnstnerinn Bjarna Haraldsson, kaupmann á Sauðárkróki. Að auki höfum við verið að vinna myndefni og hljóðsetja fyrir Kaupfélag Skagfirðinga og fleiri, segir Árni.
Fleiri fréttir
-
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík við Hvammstanga og spurði hana út í þetta ævintýri.Meira -
Sigurdís Sandra bæði á Hólum og Heimilisiðnaðarsafninu
feykir.is Skagafjörður, Austur-Húnavatnssýsla, Listir og menning, Lokað efni 19.07.2025 kl. 23.48Sigurdís Sandra Tryggvadóttir tónskáld, píanóleikari og söngkona verður með tvenna tónleika á Norðurlandi vestra á morgun, sunnudaginn 20. júlí. Hún hefur leik í Hóladómkirkju kl. 11:00 og drífur sig svo vestur á Blönduós þar sem hún spilar á sumartónleikum Heimiisiðnaðarsafnsins kl. 15:00 og slær þannig lokahöggið á Húnavöku.Meira -
Félagar í Drangey vilja bráðabirgðalög vegna strandveiða
feykir.is Skagafjörður 19.07.2025 kl. 23.00Félagsfundur Drangeyjar – smábátafélags Skagafjarðar haldinn 18. júlí 2025 mótmælir harðlega stöðvun strandveiða 16. júlí sl. Í tilkynningu frá félaginu segir að þetta sé sjötta árið í röð sem ekki er leyft að veiða út ágúst eins og lög frá 2018 gera ráð fyrir.Meira -
Stólarnir máttu þola tap í Kórnum
feykir.is Skagafjörður, Íþróttir, Lokað efni 19.07.2025 kl. 22.45Tindastóll og Ýmir mættust í Kórnum í Kópavogi í dag í 3. deildinni. Lið Tindastóls var í sjötta sæti með 17 stig en heimamenn voru næstneðstir með 11 stig. Nokkuð vantaði í leikmannahóp Stólanna sem voru aðeins með 14 menn á skýrslu en tveir lykilmenn eru staddir í Ameríkuhreppi með unga knattgæðinga af Norðurlandi vestra. Það for svo að heimamenn unnu leikinn 2-1.Meira -
Eva Rún og Bardaginn
feykir.is Skagafjörður, Mannlíf, Lokað efni 19.07.2025 kl. 16.15Sumir fá meira í fangið en aðrir og lífið virðist stundum ekki sanngjarnt. Þá hefst oft bardaginn við sjálfan sig og sálartetrið sem getur sannarlega verið strembinn. Feykir hefur áður birt viðtal við Evu Rún Dagsdóttir vegna veikinda sem hún gekk í gegnum. Hún hristi þau af sér harðnaglinn sem hún er en ekki leið á löngu áður en annars konar veikind tóku sig upp. Hamlandi kvíði. Eva Rún kallar ekki allt ömmu sína og hún reynir að takast á við sjúkdóminn á sinn hátt. Í vetur gaf hún út ljóðabók sem ber nafnið Bardagi þar sem hún skrifar um veikindi sín og bardagann sem hún stendur í.Meira
