Slæmt ásigkomulag vega í Húnaþingi vestra hefur slæm áhrif á nemendur
Tæplega helmingur nemenda Grunnskóla Húnaþings vestra á Hvammstanga þurfa að ferðast í skólann við óviðunandi aðstæður. 150 nemendum eru við skólann og þurfa sumir þeirra að sitja í skólabíl í allt að tvo klukkutíma á dag á misgóðum malarvegum. Grunnskólakennararnir segjast kvíða því að þurfa að hefja enn eitt skólaárið án þess að samgöngur í sveitarfélaginu hafi verið bættar.
Ríkisútvarpið fjallaði um málið fyrr í vikunni en þar kemur fram að kennararnir séu uggandi yfir ástandi þessara nemenda þegar þeir mæta í skólann. Guðrún Ósk Steinbjörnsdóttir, námsráðgjafi við Grunnskóla Húnaþings vestra, segir að starfsmenn skólans hafi miklar áhyggjur af því hvernig nemendur verða í stakk búnir til að takast á við námið er þeir mæta í skólann, ef vegir verða í jafn slæmu ásigkomulagi eins og þeir verða oft á haustin.
Miklar framkvæmdir eru nú yfirstandandi við grunnskólann á Hvammstanga þar sem 1200 fermetra viðbygging mun gera kleift að sameina starf grunnskóla og tónlistarskóla á einum stað. Er sú framtíðarhugsun ekki í samræmi við það sem nemendur og kennarar þurfa að búa við í samgöngum, en aksturstími þeirra nemenda sem þurfa að fara fyrir Vatnsnesið lengist um 40 mínútur á dag sökum þess hversu slæmur vegurinn er. „Ítrekað hefur verið kvartað yfir ástandi vegarins,“ segir Guðrún. „Börn hafa komið bílveik og illa haldin í skólann eftir ferðir um veginn með skólabílnum.“ Vegirnir hafa oft verið í það slæmu ásigkomulagi að það var hreinlega ekki hægt að keyra þá og hafa foreldrar jafnvel rætt það að hætta að senda börnin í skólann við þessar aðstæður.
Endurbætur á Vatnsnesvegi eru á þriðja tímabili samgönguáætlunar og hefjast samkvæmt því ekki fyrr en 2030. Ragnheiður Jóna Ingimarsdóttir, sveitarstjóri Húnaþings vestra, segir afar brýnt að færa veginn framar í áætluninni. „Og við erum að sjá það núna að krakkar sem eru að byrja í fyrsta bekk, muni öll þessi tíu ár sem þeir eru í grunnskóla vera á ónýtum vegi ef við fáum veginn ekki framar í áætlun.“
/SHV
Fleiri fréttir
-
Útgáfuhóf Sýslu- og sóknalýsinga Húnavatnssýslu haldið í Breiðholtskirkju
feykir.is Austur-Húnavatnssýsla, Vestur-Húnavatnssýsla, Listir og menning 16.10.2025 kl. 14.54Útgáfuhóf vegna endurskoðaðrar útgáfu Sýslu- og sóknalýsinga Húnavatnssýslu fór fram laugardaginn 11. október sl. í safnaðarheimili Breiðholtskirkju. Sögufélag stóð að viðburðinum í samstarfi við Húnvetningafélagið í Reykjavík og var dagskráin bæði fjölbreytt og fróðleg.Meira -
2.7% hækkun á gjaldskrá leikskóla í Skagafirði
feykir.is Skagafjörður, Lokað efni 16.10.2025 kl. 14.37Byggðarráð Skagafjarðar samþykkti samhljóða á fundi sínum 15. október framlagðar breytingar fræðslunefndar á gjaldskrá leikskóla í Skagafirði fyrir árið 2026. Lögð var fram tillaga að 2,7% hækkun dvalargjalda, fæðisgjalda og skráningardaga leikskóla sem er í samræmi við verðlagsbreytingar út frá þjóðhagsspá Hagstofu Íslands.Meira -
Vantar þig stuðning?
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 16.10.2025 kl. 13.22Ráðgjafi frá Ráðgjafarþjónustu Krabbameinsfélagsins verður á Sauðárkróki fimmtudaginn 23. október. Viðtölin verða á Heilbrigðisstofnun Norðurlands á Sauðárkróki. Viðtölin eru í boði bæði fyrir einstaklinga sem greinst hafa með krabbamein, aðstandendur og syrgjendur.Meira -
Njarðvíkingar unnu öruggan sigur
feykir.is Skagafjörður, Íþróttir, Lokað efni 16.10.2025 kl. 11.47Stólastúlkur léku við Njarðvík í Njarðvík í gærkvöldi og lutu í lægra haldi gegn sterkum andstæðing. Enn vantaði Alejöndru og Rannveigu í lið Tindastóls og Martín mætti því á ný til leiks með átta leikmenn á skýrslu. Heimaliðið náði forystunni strax í byrjun og lét hana aldrei af hendi og hafði í raun betur í öllum fjórum leikhlutunum. Lokatölur 92-70.Meira -
363 nemendur Árskóla sprettu úr spori
feykir.is Skagafjörður, Mannlíf, Lokað efni 16.10.2025 kl. 10.01Í gær tóku nemendur Árskóla þátt í Ólympíuhlaupi ÍSÍ. Á heimasíðu Árskóla segir af því að yngsta stigið hljóp 2,5 km, unglingastigið 4,5 km og miðstigið valdi á milli vegalengdanna, flest fóru 4,5 km. Hlaupið tókst vel í góðu veðri og tóku allir bekkir þátt.Meira
