Smáframleiðsla matvæla, matarhandverk og Slow food á Sveitasetrinu Hofsstöðum
Á morgun verður haldinn fræðslu- og upplýsingafundur um smáframleiðslu matvæla, matarhandverk og Slow food á Sveitasetrinu Hofsstöðum, frá kl. 15-17. „Ég held að það séu margir sem eru áhugasamir og sem langar að að fara af stað með smáframleiðslu matvæla en vantar kannski samstarfsfélaga eða að vita hvert á að leita,“ segir Laufey Kristín Skúladóttir verkefnastjóri hjá Svf. Skagafirði og Matarkistu Skagafjarðar.
„Það var auglýst nóvember í Sjónhorninu eftir áhugasömum aðilum og þetta er ætlað sem fyrsti fundurinn með þessu fólki en allir eru velkomnir,“ segir Laufey í samtali við Feyki.
Dominique Plédel ætlar að kynna Slow Food hreyfinguna en henni er best lýst svo að í kjölfar hraðrar útbreiðslu „fast food“ byltingarinnar spratt upp félagsskapur í Evrópu sem nefnist „Slow Food“.
Á heimasíðu Slow Food Reykjavík segir að megin markmið Slow Food er að auka meðvitund fólks um mikilvægi matarmenningar, þekkingar, hefðar og landfræðilegs uppruna matvæla. Einkunnarorð samtakanna eru Góður, hreinn og sanngjarn, og er þar átt við að maturinn eigi að bragðast vel, hann eigi að vera laus við aukaefni og sem náttúrulegastur, og sanngjarn á þann hátt að sá sem framleiðir matinn fái sanngjarnt verð fyrir vinnu sína og afurðir.
Hafsjór af fróðleik
Á fundinum mun Guðný Vésteinsdóttir fjalla um fyrirtækjarekstur í smáframleiðslu matvæla. Ásamt því að reka Sveitasetrið á Hofstöðum hefur hún rekið fyrirtækið Holt og heiðar, í samstarfi við vinkonu sína, með góðum árangri og segir Laufey hana vera hafsjó af fróðleik.
„Þær eru aðallega starfandi austur á héraði og eru að framleiða m.a. birkisýróp, rabbabarasultu með vanillu, þær tína sveppi og eru að nýta birkiskógana. Það er búið að vera mikill gangur í þessu hjá þeim og okkur langar að kynda undir með fólki að gera samskonar hluti hér,“ útskýrir Laufey.
„Það eru þessi nýju hlutverk og nýju áherslur sem okkur í stjórn Matarkistunnar langar að styðja við. Það eru einhverjir í startholunum og langar að fara af stað í eigin framleiðslu en mikið reglugerðarfargan og getur aftrað fólki fyrir það fyrsta og einnig kostnaðurinn við að koma sér af stað.
Við hjá Matarkistunni viljum vita hvernig við getum aðstoðað fólki við að taka þetta skref; Hvað er það sem fólki vantar? Getum við haldið námskeið og hvernig námskeið er þá einna helst þörf á? Vantar fólki aðstöðu, fræðslu eða ráðgjöf? Þetta verður vonandi allt rætt,“ útskýrir Laufey, en markmiðið segir hún jafnframt að leiða þessa aðila saman svo þeir geti deilt þekkingu sinni og reynslu og haft stuðning hvort af öðru.
„Vonandi geta sem flestir tekið daginn frá og verið með okkur á Hofsstöðum,“ segir Laufey að lokum.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
