Smásagnasafn eftir Stein Kárason komið út
Út er komin bókin Synda selir smásögur eftir Stein Kárason, sem er fæddur og uppalinn á Sauðárkróki.
Synda selir hefur að geyma sjö smásögur sem gerast á Íslandi og erlendis. Sagt er frá ungum dreng sem gefur skyggnigáfu sína upp á bátinn, Danmerkurdögum með skáldlegu ívafi, gamalli konu með göngugreind, tímaflakki milli heimsálfa, sundfélögum sem leysa lands- og heimsmálin í legvatni, vinskap manna með ólíka kynhneigð, pólitískum mannaráðningum og kynbótum á mönnum sem hljóta óvæntan endi.
Steinn Kárason sem fæddur er á Skógargötunni á Króknum er mörgum kunnur fyrir bækur sínar og tónlist. Hann er höfundur fjögurra bóka og er Synda selir hans annað skáldverk.
Tvær sögur í bókinni tengjast Skagafirði. Önnur þeirra, „Lygaramerkið“ gerist á Króknum í ágúst árið 1964. Þar kemur við sögu Glói, 11 ára, - aðalpersónan í skáldsögunni „Glaðlega leikur skugginn í sólskininu“. Glói er sum sé strákurinn sem í þeirri bók gaf skyggnigáfu sína upp á bátinn. Hin sagan „Danmerkurdagar“ tengist samneyti manna og álfa í Austurdal í Skagafirði.
Kápumyndin „Á ókunnri strönd“ er eftir listmálarann Elías B. Halldórsson, sem lengi bjó á Sauðárkróki.
Með þessu smásagnasafni kemur glöggt í ljós frumleiki Steins í sagnagerð og góð tök á málinu. Tónninn er hlýlegur og glettinn og frásögnin beinir huga lesanda inn á við að óljósum mörkum skáldskapar og raunveruleika.
Smásögurnar í bókinni nefnast:
- Lygaramerkið
- Danmerkurdagar
- Brúin
- Konan með göngugreindina
- Synda selir
- Vinur minn kynvillingurinn
- Einn tvöfaldur
Synda selir fæst í Skagfirðingabúð KS á Sauðárkróki, í Eymundsson/Penninn, hjá Forlaginu og útgefanda.
Fleiri fréttir
-
Nemendur Höfðaskóla fræddust um danskt smörrebröð
feykir.is Austur-Húnavatnssýsla, Mannlíf, Lokað efni 28.10.2025 kl. 10.31Nemendur í 8., 9. og 10. bekk Höfðaskóla á Skagaströnd hafa verið með gestakennara frá Danmörku nú í október. Síðastliðinn föstudag kynntust nemendur klassískri danskri matarmenningu en þá útbjuggu þeir danskt smörrebröð, í þessu tilfelli svokallaðan kartoffelmad sem er einskonar kartöflusamloka nema að sjálfsögðu vantar brauðið ofan á.Meira -
Stólarnir áfram í VÍS bikarnum eftir sigur fyrir austan
feykir.is Skagafjörður, Íþróttir, Lokað efni 28.10.2025 kl. 08.36Tindastólsmenn spiluðu í gærkvöldi við lið Hattar á Egilsstöðum í fyrstu umferð VÍS bikarsins. Úr varð mikil stigaveisla en Tindastólsmenn tóku völdin í síðari hálfleik eftir að Hattarmenn höfðu gefið þeim góðan leik í fyrri hálfleik. Lokatölur 97-125 og Stólarnir komnir áfram í aðra umferð bikarsins.Meira -
Hryllilega gaman í Glaumbæ!
feykir.is Skagafjörður, Mannlíf 27.10.2025 kl. 15.29Það verður sannarlega hryllilega gaman í Glaumbæ föstudaginn 31. október frá kl. 18-21, í tilefni af Hrekkjavöku, eða öllu heldur Allraheilagramessu. Sýningarnar í gamla bænum taka á sig skuggalega mynd og Miklabæjar-Sólveig og fleiri fara á stjá.Meira -
Jól í skókassa
feykir.is Skagafjörður 27.10.2025 kl. 14.45Verkefnið Jól í skókassa er alþjóðlegt verkefni sem felst í því að fá börn jafnt sem fullorðna til þess að gleðja önnur börn sem lifa við fátækt, sjúkdóma og erfiðleika með því að gefa þeim jólagjafir. Gjafirnar eru settar í skókassa og verða sendar til Úkraínu líkt og undanfarin ár.Meira
