Snæfellingar voru sterkari á endasprettinum
Tindastóll heimsótti Snæfellinga í Stykkishólm í gærkvöldi í baráttuleik en bæði lið gerðu tilkall til sjötta sætis í Iceland Express deildinni. Með sigri hefðu Stólarnir tryggt sér sæti í úrslitakeppninni en tap varð staðreynd eftir að Snæfell átti góðan endasprett í leiknum og því eru Stólarnir ekki enn öruggir inn í úrslitakeppnina. Lokatölur í Hólminum voru 89-80.
Lið heimamanna var sterkara framan af leik, þeir voru yfir 20-17 eftir fyrsta leikhluta og 45-39 í hálfleik. Mest náði Snæfell 13 stiga forystu í öðrum leikhluta en Tindastólsmenn áttu ágætan kafla fyrir hlé og söxuðu aðeins á forskotið.
Snæfell hóf þriðja leikhluta ágætlega og voru yfir 58-46 þegar fjórar mínútur voru liðnar. Stólarnir gerðu sér lítið fyrir og gerðu næstu 11 stig og minnkuðu muninn í eitt stig og næstu mínútur var allt í járnum. Miller jafnaði síðan leikinn fyrir Tindastól og staðan 61-61 þegar fjórði leikhluti hófst. Fyrstu fjórar mínútur leikhlutans voru æsispennandi og munurinn sjaldnast nema 1-3 stig. Annar kana heimamanna, Quincy Hankins-Cole, fékk sína fimmtu villu þegar sex mínútur voru eftir og þegar fimm mínútur voru eftir kom Miller Stólunum í 67-72 og staða Tindastóls orðin álitleg. Þá sögðu heimamenn hingað og ekki lengra. Marquis Sheldon Hall tók leikinn í sínar hendur og síðustu fimm mínútur leiksins gerði Snæfell 22 stig en Stólarnir aðeins 8.
Curtis Allen var atkvæðamestur í liði Tindastóls, gerði 28 stig og tók 7 fráköst, og Miller var með 20 stig. Aðrir leikmenn voru ekki að finna fjölina sína og var 3ja stiga nýting Stólanna ekki til að hrópa húrra fyrir, 5 skot niður í 24 tilraunum. Igor Tratnik tók 9 fráköst en hitti ekki í körfuna nema af vítalínunni.
Tindastóll mætir Njarðvík í Síkinu næstkomandi fimmtudag en þá verður spiluð síðasta umferðin í Iceland Express deildinni. Liðin hafa verið að berjast um að komast inn í úrslitakeppnina og ljóst að liðið sem sigrar er öruggt þangað inn. ÍR gæti stolið sæti í úrslitakeppninni af öðru hvoru liðinu en þá þarf ansi margt að falla með þeim, þeir mæta Keflavík úti í kvöld og fá KR í heimsókn í síðustu umferðinni. Það er því ekkert annað í stöðunni en að fjölmenna í Síkið á fimmtudaginn og styðja Tindastólsmenn til sigurs.
Stig Tindastóls: Allen 28, Miller 20, Helgi Freyr 7, Hreinsi 6, Þröstur 6, Helgi Rafn 6, Tratnik 4 og Rikki 3.
Fleiri fréttir
-
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira -
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira
