Sparisjóðurinn á Hvammstanga undir Landsbankann
Samkvæmt ákvörðun Fjármálaeftirlitsins tók Landsbankinn í morgun 7. mars kl. 08.30, við rekstri Spkef. Allir starfsmenn sparisjóðsins eru nú orðnir starfsmenn Landsbankans og allur rekstur á ábyrgð hins sameinaða félags. Öll starfsemi Spkef og þar með Sparisjóðurinn á Hvammstanga er með eðlilegu sniði en nú undir merkjum Landsbankans.
Fundur með starfsfólki sem áður starfaði hjá Spkef var haldinn í morgun í Stapa í Reykjanesbæ. Þar kom fram eftirfarandi:
- Öll útibú verða opin samkvæmt venju og viðskiptavinir geta leitað til eigin þjónustufulltrúa með fyrirspurnir. Reikningar og reikningsnúmer viðskiptavina verða óbreytt fyrst um sinn.
- Landsbankinn mun leitast við að tryggja sem flestum starfsmönnum sem áður störfuðu undir merkjum Spkef starf við hæfi.
- Engar afgerandi breytingar verða fyrst um sinn gerðar á starfsemi útibúa í byggðakjörnum þar sem Spkef var eina fjármálafyrirtækið.
- Fyrir liggur að útibú á þeim stöðum þar sem bæði Landsbankinn og Spkef hafa haft starfsemi , verða sameinuð. Þetta á við um Reykjanesbæ, Ólafsvík, Grindavík og Ísafjörð. Leitast verður við að bjóða starfsmönnum á þessum stöðum ný atvinnutækifæri innan Landsbankans.
- Fyrirsjáanlegt er að hagræðing verði á mörgum sviðum sem njóta stærðarhagkvæmni. Einhverjar breytingar á högum fólks eru óhjákvæmilegar. Ljóst er að ekki geta allir haldið sömu störfum á sama stað.
- Höfuðstöðvar Spkef í Reykjanesbæ verða strax hluti af höfuðstöðvum Landsbankans.
- Möguleikar verða kannaðir á starfsstöð á Suðurnesjum tengdri verkefnum höfuðstöðva Landsbankans.
- Starfsmönnum hins sameinaða banka sem komnir eru nærri eftirlaunaaldri verður boðinn starfslokasamningur óski þeir þess.
- Einar Hannesson, fyrrverandi sparisjóðsstjóri tekur sæti í stýrihópi um samþættingu starfsemi Spkef og Landsbankans.
- Hópur sérfræðinga frá Landsbankanum starfar við hlið sérfræðinga í höfuðstöðvum Spkef til að liðka fyrir samruna.
Forsvarsmenn Landsbankans gera sér fulla grein fyrir því mikilvæga hlutverki sem Spkef hefur í samfélaginu á Suðurnesjum, Vestfjörðum, Snæfellsnesi og á Hvammstanga, m.a. í menningar-, æskulýðs-, íþrótta og góðgerðarstarfi. Allir samningar sem Spkef hefur gert á þessum sviðum verða í heiðri hafðir út þetta ár en Landsbankinn áskilur sér rétt til endurskoða þá í góðu samstarfi við hlutaðeigandi að þeim tíma loknum.
Landsbankinn hefur þegar lýst þeim vilja sínum að starfa náið með hagsmunaaðilum á starfssvæði Spkef. Fundir með forsvarsmönnum sveitarfélaga, helstu samtaka atvinnurekenda og verkalýðsfélaga í þessari viku, eru fyrsta skrefið á þeirri leið.
Ráðgjafa- og þjónustuver Landsbankans verður opið lengur á kvöldin alla vikuna eða til kl. 21 og á laugardaginn frá kl. 11-15. Einnig má senda fyrirspurnir eða ábendingar á info@landsbankinn.is.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
