Spilmenn Ríkínís með tónleika í Auðunarstofu
Spilmenn Ríkínís halda tónleika í Auðunarstofu á Hólum í Hjaltadal föstudagskvöldið 26. júní. Spilmenn Ríkínís hafa leikið og sungið saman í rúm 13 ár. Þeir hafa einkum flutt tónlist úr íslenskum handritum og af gömlum sálmabókum en einnig úr íslenskum þjóðlagaarfi. Við flutninginn er sungið og leikið á hljóðfæri sem til voru á Íslandi fyrr á öldum og eiga flest sinn sess í miðaldatónlist Evrópu, svo sem langspil, hörpu, gígju og symfón.
Nokkur þessara hljóðfæra hafa meðlimir hópsins smíðað sjálfir en önnur hafa verið smíðuð af bestu fáanlegu hljóðfærasmiðum. Hópurinn kennir sig við Ríkíní sem var fyrsti söngkennari Hólaskóla þegar hann var stofnaður í upphafi 12. aldar. Hópurinn er nú að undirbúa aðra plötu sína, Gullhettu, sem áætlað er að komi út í haust en hin fyrri plata, Ljómalind, kom út árið 2009 og er nú löngu ófáanleg. Á Gullhettu verða ljóð og tónlist sem tengjast sumri og ástarbralli ýmiskonar.
Spilmenn Ríkínís hafa komið fram á ótal tónleikum og tónlistarhátíðum bæði hér heima og erlendis.
Á tónleikunum á föstudagskvöld í Auðunarstofu á Hólum verða sungnir enskir madrigalar og endurreisnarmótettur; leikin og sungin þjóðlög úr þjóðlagasafni Bjarna Þorsteinssonar, og Maríutónlist úr fornum handritum og af prentuðum bókum, meðal annars úr Hólaprenti. Einstök stemning skapast í Auðunarstofu við flutning þessarar fornu tónlistar.
Meðlimir Spilmanna Ríkínís eru:
Ásta Sigríður Arnardóttir sem syngur og leikur á langspil, Marta Guðrún Halldórsdóttir sem syngur og leikur á langspil, symfón og hörpu, Örn Magnússon sem syngur og leikur á symfón, langspil og hörpu og Halldór Bjarki Arnarson sem syngur og leikur á hörpu, gemsuhorn og langspil.
/Fréttatilkynning
Fleiri fréttir
-
Húnabyggð og Skagaströnd hlutu viðurkenningu Jafnvægisvogarinnar
feykir.is Austur-Húnavatnssýsla, Mannlíf, Lokað efni 15.10.2025 kl. 09.23Alls fengu 90 fyrirtæki, 22 opinberir aðilar og 16 sveitarfélög viðurkenningu Jafnvægisvogarinnar, hreyfiaflsverkefnis Félags kvenna í atvinnulífinu (FKA), árið 2025. Á meðal þeirra 16 sveitarfélaga sem fengu viðurkenningu að þessu sinni voru bæði sveitarfélögin í Austur-Húnavatnssýslu; Húnabyggð og Skagaströnd.Meira -
Nemendur Varmahlíðarskóla fengu innsýn í störf þingmanna
feykir.is Skagafjörður, Mannlíf, Lokað efni 15.10.2025 kl. 08.39Á vef Varmahlíðarskóla er sagt frá því að í gær hafi skólinn fengið heimsókn frá Skólaþingi en það hefur verið starfrækt í Reykjavík frá árinu 2007. Síðustu tvö ár hafa fulltrúar Skólaþings heimsótt skóla vítt og breitt um landið. Tveir starfsmenn úr fræðsluteymi skrifstofu Alþingis mættu í Varmahlíð í gær og leyfðu nemendum að spreyta sig á eins konar hlutverkaleik.Meira -
Gönguferð í garðinum
feykir.is Skagafjörður, Íþróttir 14.10.2025 kl. 21.44Tindastólsmenn spiluðu fyrsta Evrópuleik sinn í Síkinu í kvöld en andstæðingarnir voru góðir gestir i liði Gimle frá Bergen í Noregi. Það má kannski segja að menn hafi rennt nokkuð blint í ENBL-deildina og ekki gott að segja til um styrkleika andstæðinganna svona fyrirfram. Óvæntur og öruggur sigur í Bratislava gaf mönnum vonir um að Stólarnir ættu að geta lagt Gimle í parket en að sigurinn yrði svona afgerandi eins og raun bar vitni, því áttu örugglega ekki margir von á. Lokatölur 125-88 og Stólarnir með fullt hús stiga að loknum tveimur leikjum.Meira -
Óvitar eru kannski ekki svo miklir óvitar | Kristín S. Einarsdóttir kíkti í leikhús
feykir.is Skagafjörður, Aðsendar greinar, Listir og menning 14.10.2025 kl. 16.43Það er einhver sérstök tilfinning að láta sig síga niður í bíósætin i Bifröst, bíða eftir að ljósin slokkni og láta töfra leikhússins yfirtaka allt annað um stund. Ég veit ekki hvor okkar var spenntari, rúmlega fimmtuga amman eða rétt að verða sjö ára ömmustelpan, þegar okkur bauðst að fara í leikhús á mánudaginn. Alla vega varð hvorug okkar fyrir vonbrigðum. Í tæpa tvo tíma lifðum við okkur inn í heim Gumma, Finns, Dagnýjar og allra hinna í leikritinu Óvitum, eftir Guðrún Helgadóttur, í leikstjórn Eysteins Ívars Guðbrandssonar.Meira -
Kjörstjórnir skipaðar vegna íbúakosninga um sameiningu
feykir.is Vestur-Húnavatnssýsla, Lokað efni 14.10.2025 kl. 16.33Á fundum sveitarstjórna Dalabyggðar og Húnaþingsvestra í síðustu viku var skipuð sameiginleg kjörstjórn til að hafa yfirumsjón með íbúakosningum um tillögu um sameiningu Dalabyggðar og Húnaþings vestra sem fram fara 28. nóvember til 13. desember næstkomandi. Samkvæmt samkomulagi sveitarfélaganna skipaði Húnaþing vestra tvo fulltrúa í nefndina og einn til vara en Dalabyggð einn fulltrúa og tvo til vara.Meira
