Stefna opnar skrifstofu á Sauðárkróki
Hugbúnaðarfyrirtækið Stefna á Akureyri opnaði formlega skrifstofu á Sauðárkróki sl. föstudag en fyrirtækið hefur átt trausta og góða viðskiptavini á svæðinu í gegnum árin. „Þó ekki sé langt til Akureyrar og samskipti fari að mestu fram rafrænt, þá er það von okkar að með opnun skrifstofunnar eflist þjónustan enn frekar,“ segir Róbert Freyr Jónsson sölustjóri og ráðgjafi Stefnu. Í tilefni dfagsins var boðið upp á léttar veitingar ásamt því að gestir voru fræddir um starfsemi fyrirtækisins.
Stefna er 24 manna hugbúnaðarhús frá Akureyri þar sem höfuðstöðvarnar eru en fyrirtækið er einnig með starfstöð í Kópavogi. Stefna hannar, smíðar og setur upp vefi og heimasíður fyrir stóra sem smáa, stofnanir, sveitarfélög, félagasamtök og fyrirtæki af ýmsum stærðum.
„Við höfum einnig smíðað og sett upp hugbúnaðarlausnir fyrir stofnanir og fyrirtæki til að halda utan um greiðslukerfi, gæðakerfi og annars konar hugbúnaðarlausnir,“ segir Róbert.
Skrifstofan er staðsett að Faxatorgi 1 en við opnun hennar sl. föstudag var boðið upp á léttar veitingar ásamt því að gestir voru fræddir um starfsemi fyrirtækisins.
Fleiri fréttir
-
Rocky Horror í Hofi um helgina
feykir.is Skagafjörður, Austur-Húnavatnssýsla, Vestur-Húnavatnssýsla 07.05.2025 kl. 14.56Nemendafélag Fjölbrautaskóla Norðurlands vestra hefur undanfarin ár sett upp metnaðarfullar leiksýningar og fara nú í Hof á Akureyri með Rocky Horror.Meira -
Dýrbítur í Austurdal
feykir.is Skagafjörður, Lokað efni 07.05.2025 kl. 12.55Refur lagðist á lömb á Stekkjarflötum í Austurdal, (Austurdalur er talinn byrja við Grjótá, svo bærinn telst ekki til Kjálka) í vikunni og urðu bændur þess varir aðfaranótt þriðjudags að lömb væru farin að hverfa af túninu og ummerki um aðfarir rebba sáust.Meira -
Gjaldfrjáls garðlönd Skagafjarðar
feykir.is Skagafjörður 07.05.2025 kl. 11.30Garðlönd sveitarfélagsins á Sauðárkróki, Varmahlíð (upp við Reykjarhólsskóg) og Hofsósi (Grafargerði) verða til reiðu á næstu dögum og gaman að segja frá því að þetta er á sömu staðsetningum og síðast.Meira -
Allir að róa í sömu átt
feykir.is Skagafjörður, Íþróttir, Lokað efni 06.05.2025 kl. 15.38Í gærkvöldi varð ljóst hverjir andstæðingar Tindastóls verða í einvíginu um Íslandsmeistaratitilinn í körfunni. Þá áttust Stjarnan og Grindavík við í oddaleik en leikir liðanna höfðu verið æsispennandi og það varð engin breyting á því í gær. Það var lið Stjörnunnar sem hafði betur eftir dramatík í lokin. Fyrsti leikurinn í einvígi Tindastóls og Stjörnunnar verður í Síkinu á fimmtudaginn.Meira -
Háholt er ekki heldur inni í myndinni hjá Guðmundi Inga
feykir.is Skagafjörður, Lokað efni 06.05.2025 kl. 13.24Ráðherra barnamála, Guðmundur Ingi Kristinsson, er á sömu skoðun og fyrrverandi barnamálaráðherra, Ásthildur Lóa Þórsdóttir, varðandi vistun barna í Háholti í Skagafirði og telur Háholt ekki koma til greina sem meðferðarheimili fyrir börn. Í frétt á vef RÚV segir að neyðarvistun, afplánun og gæsluvarðhald verði áfram á Stuðlum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.