Stéttarfélagið Samstaða hvetur heilbrigðisráðherra til að leita samráðs við heimamenn
Stjórn og trúnaðarráð Stéttarfélagsins Samstöðu samþykkti á fundi sínum í gær ályktun þar sem harðlega er mótmælt þeirri grímulausu aðför að heilbrigðisþjónustu á landsbyggðinni sem kynnt er í frumvarpi til fjárlaga næsta árs og krefst þess að horfið verði frá þeirri stefnu sem þar er kynnt.
Það er stórlega ámælisvert að leggja einhliða og án samráðs fram slíkar hugmyndir sem setja heilbrigðisþjónustu á landsbyggðinni aftur um áratugi og rústa það góða starf sem hefur verið byggt upp á stofnunum sem hafa veitt íbúum á sínu svæði góða þjónustu og veitt þeim öryggi og tryggt aðgengi að heilbrigðis- og sjúkrahúsþjónustu . Þetta er algjört brot á þeirri stefnu sem stjórnvöld hafa sagst styðja sem er að styrkja landsbyggðina og flytja þangað verkefni.
Heilbrigðisstofnanir á Norðurlandi vestra eru illa leiknar í þessum niðurskurði og hefur Heilbrigðisstofnunin á Blönduósi fengið á sig mikinn niðurskurð þriðja árið í röð. Það mun bitna hart á þjónustu við sjúklinga og þýða mikla fækkun starfa við stofnunina. Stéttarfélagið Samstaða skorar á Húnvetninga að láta til sín heyra og mótmæla þessari aðför að Heilbrigðisstofuninni á Blönduósi og þeirri þjónustu sem hún hefur veitt um áratugaskeið
Stéttarfélagið Samstaða hvetur heilbrigðisráðherra til að leita samráðs við heimamenn um hagræðingu í rekstri heilbrigðisstofnana en dragi til baka hugmyndir um stórfelldan niðurskurð sem munu hafa uggvænlegar afleiðingar fyrir byggðarlögin með tilheyrandi fólksflótta og lömun samfélagsins.
Fleiri fréttir
-
Grunnskóli Húnaþings vestra
feykir.is Skagafjörður, Vestur-Húnavatnssýsla, Lokað efni 05.05.2025 kl. 15.27Það má segja að mjótt hafi verið á munum þegar Grunnskóli Húnaþings sigraði í Skólahreysti í síðustu viku með 42 stig og komst áfram í úrslit Skólahreystis.Meira -
Umhverfisdagur á Skagaströnd 8. maí
feykir.is Austur-Húnavatnssýsla, Mannlíf, Lokað efni 05.05.2025 kl. 15.21Fimmtudaginn 8. maí kl. 16:00 - 18:00 ætla Skagstrendiingar að taka saman höndum og týna rusl í bænum sínum. „Við ætlum að hittast í áhaldahúsinu þar sem skipað verður í leitir (ruslaleitir) og afhentir pokar. Allir sem vettlingi geta valdið, fullorðnir sem börn, eru hvattir til að koma og taka þátt,“ segir í skilaboðum frá Helenu Mara, Sigríði Björk og Gígju Heiðrúnu á vef Skagastrandar.Meira -
Nýtt upplýsingaskilti við kirkjugarðinn á Blönduósi
feykir.is Austur-Húnavatnssýsla, Lokað efni 05.05.2025 kl. 15.04Húnahornið segir frá því að nýtt upplýsingaskilti er komið upp við kirkjugarðinn á Blönduósi. Á skiltinu má finna nöfn þeirra sem hvíla í garðinum, fæðingarár og dánardag auk númer legstaða. Gert er ráð fyrir að skiltið verði uppfært reglulega á fimm ára fresti.Meira -
Friðrik Henrý sigraði U14 í DARTUNG sl. helgi
feykir.is Skagafjörður, Íþróttir, Lokað efni 05.05.2025 kl. 14.45Laugardaginn 2. maí fór fram önnur umferð af fjórum í DARTUNG 2025 og var það haldið í aðstöðu Pílufélags Reykjavíkur að Tangarhöfða 2 í Reykjavík. Pílukastfélag Skagafjarðar átti þar sjö flotta fulltrúa, tvær stelpur og fimm stráka, og voru það þau Arnór Tryggvi, Birna Guðrún, Daníel Smári, Friðrik Elmar, Friðrik Henrý, Gerður Júlía og Sigurbjörn Darri. Þau voru öll félagi sínu til mikillar fyrirmyndar á mótinu.Meira -
Kvikmyndin Sinners í Króksbíói í kvöld kl. 20:00
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 05.05.2025 kl. 12.37SINNERS verður sýnd í kvöld, mánudaginn 5. maí kl. 20:00. Þeir sem vilja panta miða á myndina er bent á að senda skilaboð á Facebook-síðu Króksbíós eða hringja í síma 855-5216 tveimur tímum fyrir sýningu. Myndin er bönnuð börnum yngri en 16 ára. Myndin fjallar um tvíburabræður í leit að betra lífi sem snúa aftur í gamla heimabæinn. Þar býður þeirra meiri illska en þeir hafa áður kynnst.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.