Stólarnir alveg sorglega slappir í kvöld
Þeir voru nokkrir stuðningsmenn Tindastóls sem höfðu á tilfinningunni að strákarnir myndu rífa sig upp í kvöld og bera sigurorð af liði ÍR í Síkinu. Það var því ansi þungt í þeim mörgum eftir leik því það verður að segjast eins og er að Stólarnir voru langt frá sínu besta í kvöld og nánast hálf sorglegt að fylgjast með leik liðsins í síðari hálfleik. ÍR-ingar höfðu betur 70-81 eftir að Stólarnir höfðu leitt 37-32 í hálfleik.
Leikurinn fór vel af stað hjá Tindastólsmönnum sem voru að spila fína vörn og unnu hvern boltann eftir annan. Stólarnir höfðu því frumkvæðið í fyrsta leikhluta en því miður misstu þeir af tækifærinu til að skapa sér gott forskot með því að klúðra alltof mörgum álitlegum sóknarfærum. Að loknum fyrsta leikfjórðungi var staðan 16-13 og hafði Trey Hampton verið seigur, setti niður níu stig og þar af þrjú víti í fjórum tilraunum. Lið ÍR komst yfir fljótlega í öðrum fjórðungi en Svabbi átti flottan sprett upp úr því, gerði 7 stig fyrir Stólana og jafnaði 23-23. Liðin skiptust síðan á um að hafa forystuna en Stólarnir kláruðu leikhlutann vel og voru 5 stigum yfir í leikhléi, 37-32.
Síðari hálfleikur var í heildina dapur hjá heimamönnum sem náðu engum takti í leik sinn. Sóknin var stirð, boltinn gekk hægt og illa og menn voru sífellt að hika í færum fyrir utan 3ja stiga línuna. Stólarnir tóku aðeins 13 3ja stiga skot í öllum leiknum og settu aðeins niður 3 en ÍR-ingar settu niður 8 í 23 skottilraunum. Kanarnir í liði Tindastóls hafa verið frekar klénir hingað til en voru hreinlega lélegir í kvöld. Nema hvað; lið ÍR kom sér hægt og bítandi inn í leikinn og náði yfirhöndinni fyrir síðasta fjórðung en staðan var 54-58 að loknum þriðja leikhluta. Síðasti fjórðungurinn var bara dapur að hálfu Stólanna sem náðu alls ekki að gera gestunum nógu erfitt fyrir. ÍR náði fljótlega um 10 stiga forystu en þegar rúm mínúta var eftir minnkaði Þröstur Leó muninn í sex stig, 67-73, og síðan unnu Stólarnir boltann og áttu þess kost að minnka muninn enn frekar en glopruðu boltanum frá sér um leið, brutu síðan af sér og munurinn orðinn 8 stig. Lokatölur sem fyrr segir 70-81.
Leikurinn í kvöld var lítil skemmtun. Stólarnir voru skárra liðið framan af sem segir kannski lítið því ekki er lið ÍR skemmtilegt. Varnarleikur ÍR var góður í síðari hálfleik en sóknarleikur Stólanna hræðilega stirður lengstum. Og þegar svo virðist sem leikmenn séu hreinlega hræddir við að skjóta á körfuna þá er ekki von á góðu. Það mátti glögglega heyra á stuðningsmönnum Tindastóls að leik loknum að þolinmæðin gagnvart könunum var á þrotum – það verður því spennandi að fylgjast með hvað gerist á næstu dögum.
Stig Tindastóls: Trey Hampton 18/9 fráköst, Helgi Rafn 16/6 fráköst, Maurice Miller 10/12 fráköst, Svavar 9/7 fráköst, Þröstur Leó 8, Rikki 8, Helgi Margeirs 1.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
