Stólarnir játuðu sig sigraða eftir framlengingu í Hólminum
Tindastóll spilaði annan leik sinn í Lengjubikarnum í gærkvöldi og voru andstæðingarnir lið Snæfells. Leikið var í Hólminum og varð úr hörkuleikur sem þurfti að framlengja en á endanum sigruðu heimamenn með 2ja stiga mun, 93-91.
Leikurinn var lengstum hnífjafn og skiptust liðin á um að ná forystu í fyrsta leikhluta. Snæfell hafði þó yfir 26-22 að loknum fyrsta leikhluta en í 2. leikhluta höfðu Stólarnir betur og var staðan í hálfleik 40-39 fyrir Snæfell.
Tindastólsmenn voru sprækir í þriðja leikhluta og náðu mest 14 stiga forystu, 46-60, um miðjan þriðja leikhluta en heimamenn í Snæfelli voru snöggir að minnka þann mun og fyrir fjórða leikhluta munaði tveimur stigum, staðan 60-62.. Síðast leikhluti var æsispennandi. Stólarnir skrefinu á undan framan af en Snæfell síðustu mínúturnar. Moe Miller minnkaði muninn í 81-80 þegar skammt var eftir, Snæfell fékk tvö vítaskot og klikkaði Sheldon Hall á báðum, Miller skoraði úr tveimur vítum og kom Stólunum yfir, hann fékk síðan aftur tvö víti og setti annað niður og staðan 81-83. Snæfell jafnaði metin 83-83 og því framlengt.
Í framlengingu voru heimamenn jafnan yfir en á lokasekúndunum var það vítahittni Stólanna sem klikkaði, Helgi Rafn klikkaði á þremur af fjórum vítaskotum sem hann fékk á síðustu mínútunni, hann jafnaði leikinn 91-91 með vítinu sem fór ofaní en Jón Ólafur Jónsson tryggði Snæfelli sigurinn með því að setja tvö víti niður rétt fyrir leikslok.
Góð frammistaða í gærkvöldi dugði ekki til sigurs að þessu sinni en leikur Stólanna mikil framför frá fyrri leikjum og vonandi að leikmenn séu að finna taktinn. Vítahittni Stólanna var ekki nógu góð í gær, 62%, en 13 af 21 vítaskoti fór niður. Aðeins þrír leikmenn Stólanna fengu að spreyta sig á vítaskotum í gær og að þessu sinni var Hampton með skástu hittnina, setti niður tvö af þremur. Stólarnir hafa nú spilað tvo leiki í Lengjubikarnum og tapað báðum. Næsti leikur liðsins er hér heima gegn ÍR föstudaginn 4. nóvember. Allir í Síkið!
Stig Tindastóls: Hampton 20, Rikki 18, Moe 13, Þröstur 13, Helgi Rafn 12, Svabbi 8, Pálmi Geir 5, Helgi Freyr 2.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
