Stólastúlkur Hömrum slegnar
Stólastúlkur fóru illa að ráði sínu í gærkvöldi þegar þær spiluðu við lið Hamranna frá Akureyri í fallbaráttu 1. deildar kvenna. Þrátt fyrir að vera sterkari aðilinn megnið af leiknum gáfu stelpurnar tvö ódýr mörk en skoruðu sjálfar aðeins eitt mark og 1-2 tap staðreynd. Það er ljóst að hafi verið brekka fyrir leik þá er það Brattabrekka núna.
Lið Tindastóls lék undan nettum norðanvindi í fyrri hálfleik og sótti talsvert. Gæðin í leik liðsins voru þó ekki nógu mikil, stelpurnar voru óþolinmóðar og það var eins og það ætti að gera mörg mörk í hverri sókn. Færin létu dálítið á sér standa en það var þó aðallega fyrir stórleik Helenu Jónsdóttur í marki Hamranna að Tindastólsstelpunum tókst ekki að skora. Gestirnir sköpuðu lítið fram á við en náðu dýrmætu marki á 44. mínútu. Þær fengu aukaspyrnu á miðjum vallarhelmingi Tindastóls og áttu hörkuskot að marki sem Ana Lucia náði að verja í þverslá. Inga Rakel Ísaksdóttir var grimmust í boltann og náði að skófla honum í markið. Staðan 0-1 í hálfleik.
Stólastúlkur komu einbeittar til leiks í síðari hálfleik og eftir aðeins tveggja mínútna leik hafði Vigdís Edda Friðriksdóttir jafnað leikinn. Fékk boltann fyrir utan teig, lék með hann framhjá varnarmönnum Hamranna og átti svo frábært skot í bláhornið hjá Helenu. Næstu mínútur pressaði lið Tindastóls og var mun sterkari aðilinn og spilaði nú betur en mörkin létu á sér standa. Um miðjan síðari hálfleik var eins og of mikill kraftur hefði farið í þennan góða kafla því skyndilega virkuðu stelpurnar þreyttar og lið Hamranna náði yfirhöndinni þar sem þær unnu annan boltann hvað eftir annað og þvinguðu fram nokkrar hættulegar hornspyrnur. Sigurmark þeirra kom síðan á 77. mínútu þegar þær áttu sendingu inn fyrir vörn Tindastóls. Ana Lucia virtist hafa allt í hendi sér en hún hikaði í markinu og þegar hún loks ákvað að fara í boltann vildi ekki betur til en svo að hún dúndraði í næsta mótherja og boltinn skoppaði í átt að marki Tindastóls. Rakel Sjöfn Stefánsdóttir var fyrst í boltann og skoraði af öryggi. Stólastúlkur reyndu hvað þær gátu til að jafna en náðu ekki að skapa sér alvöru færi. Helena í marki Hamranna var öryggið uppmálað í teignum og besti maður leiksins. Tap Tindastóls því staðreynd.
Augljóst var í gær að Stólastúlkur söknuðu Evu Banton og Ólínu sem voru báðar vel spilandi, yfirvegaðar og sterkar. Lið Tindastóls er hinsvegar að styrkja sig og á næstu dögum bætast tveir erlendir leikmenn í hópinn; Lavinia Nkomo og Madeiline Keane, eftir því sem Feykir kemst næst, og ættu þær að vera klárar í síðustu fimm umferðirnar í 1. deildinni.
Leikurinn í gærkvöldi mátti í raun ekki tapast en fyrir leikinn voru Hamrarnir þremur stigum á undan Stólunum í áttunda sæti deildarinnar. Nú munar aftur á móti sex stigum og ljóst að Stólastúlkur verða að vinna megnið af leikjunum sem eftir eru ætli þær að halda sér í deildinni.
En enn er von. Áfram Tindastóll!
Fleiri fréttir
-
Íslandsmeistarar Blika höfðu betur gegn Stólastúlkum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 23.58Bestu deildar lið Tindastóls fékk Íslandsmeistara Breiðabliks í heimsókn á Krókinn í dag í 5. umferð deildarinnar. Það mátti reikna með erfiðum leik en Stólastúlkur náðu engu að síður forystunni í leiknum. Blikar voru aftur á móti ekki lengi að kvitta fyrir sig og unnu á endanum öruggan 5-1 sigur.Meira -
Hæfileikabúnt frá Húnaþingi vestra sigruðu í Fiðringi 2025
feykir.is Vestur-Húnavatnssýsla, Listir og menning, Lokað efni 08.05.2025 kl. 14.38Þeim er margt til lista lagt nemendunum í Grunnskóla Húnaþiings vestra og þessi vetur hlýtur að verða þeim mörgum minnistæður. Fyrir jól áttu nemendur eitt af þeim þremur lögum sem þóttu skara fram úr í Málæði, í síðustu viku tryggði lið skólans sér sæti í úrslitum í Skólahreysti og í gær sigraði atriði skólans í Fiðringi 2025, hæfileikakeppni fyrir nemendur í 8.-10. bekk, sem haldin var á Akureyri.Meira -
Nýsköpun sem drifkraftur | Freyja Rut Emilsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.05.2025 kl. 14.18Nýsköpun er ekki bara orð til að nota á tyllidögum og í kosningabaráttu, nýsköpun er drifkraftur framþróunar, hvort sem það er í litlum fyrirtækjum á landsbyggðinni eða stórum alþjóðlegum fyrirtækjasamsteypum. Nýsköpun opnar nýjar leiðir, skapar ný störf, eykur hagkvæmni og gerir okkur – bæði sem einstaklinga og samfélög, betur í stakk búin til að takast á við þær áskoranir sem blasa við, grípa þau tækifæri sem bjóðast og skapa ný. Fyrirtæki og samfélög sem fóstra og næra nýsköpunarhugsun og nýsköpunarverkefni eru lykillinn að sjálfbærum vexti, bættum lífsgæðum og framþróun sama hvaða atvinnugreinar horft er til.Meira -
Innlyksa á Húsabakka í Skagafirði
feykir.is Skagafjörður 08.05.2025 kl. 12.37Í gær kom tilkynning frá Almannavarnadeild Ríkislögreglustjóra um mikla vatnavextir í Austari Jökulsá og Héraðsvötnum. Ábúendur á Syðri og Ytri Húsabakka hafa fundið vel fyrir þessum vatnavöxtum enda innlyksa og skemmdir á vegum og túnum ekki skýr að svo stöddu.Meira -
Strandveiðin byrjaði á mánudaginn
feykir.is Skagafjörður, Lokað efni 08.05.2025 kl. 12.15Það verður fjör hjá smábátaeigendum í sumar því strandveiðitímabilið byrjaði af fullum krafti á mánudaginn síðastliðinn. Fyrir þá sem sóttu um leyfið og fengu geta sótt sjóinn í alls 48 daga. Þessir dagar skiptast niður í 12 daga á mánuði í fjóra mánuði og má einungis róa á mán., þrið., mið. og fimmtudögum. Þá má fiska 774 kíló á dag og á þetta fyrirkomulag að tryggja fullt jafnræði milli landshluta en sl. ár hefur strandveiðin verið stöðvuð löngu áður en tímabilið er búið, eða um miðjan júlí.Meira
