Sumarið skellti sér í skyndiheimsókn
Það skall á með sumri í dag hér norðanlands og fólk tók blíðunni fagnandi. Hitinn daðraði við 20 gráðurnar og vinsamlegustu hitamælar hafa sennilega sýnt miklu hærri tölur í skjólsælum skörðum og görðum. Sjá mátti mennsk endurskinsmerki fækka fötum og ár ösluðu til sjávar moldarbrúnar og mikilúðugar. Íslenska sumarið er svo meiriháttar þegar það gefur sér tíma til að kíkja í heimsókn.
Blaðamaður kíkti í Varmahlíð og á Steinsstaði í tilefni blíðunnar og fór einn rúnt um Krókinn fyrst. Óvenjumikil umferð gangandi var í bænum og á körfuboltavellinum við Árskóla voru margir að sýna takta og sumir búnir að rífa sig úr að ofan.
Í Olís í Varmahlíð mátti heyra talað tungum sem ekki voru allar íslenskrar ættar. Helga Bjarna var farin að láta hendur standa fram úr ermum í garðinum sínum og Kolli sló reitinn neðan Fagrahvols. Hann tók sláttuvélina til kostanna í skærrauðri Manchester United treyju og brosti út að eyrum.
Frammi í Lýtó var talsvert um gangandi vegfarendur og fólk á hestbaki en áin rann bakkafull og brúnleit fram hjá Steinsstöðum.
Reiknað er með stilltu og nokkuð hlýju veðri á morgun en það kólnar heldur upp úr helginni og alls konar veður fram eftir vikunni. Afar íslenskt...
Fleiri fréttir
-
Fínasta veður í dag, 17. júní
feykir.is Skagafjörður, Austur-Húnavatnssýsla, Vestur-Húnavatnssýsla 17.06.2024 kl. 07.32Á vedur.is segir að á Norðurlandi vestra verði hæg breytileg átt, þurrt og bjart veður og á hitinn að vera frá 10 til 16 stig á svæðinu. Það er því tilefni til að njóta dagsins utandyra í dag, 17. júní.Meira -
Í dag er 80 ára lýðveldisafmæli Íslands
feykir.is Skagafjörður, Austur-Húnavatnssýsla, Vestur-Húnavatnssýsla 17.06.2024 kl. 06.42Í dag, 17. júní, eru 80 ár liðin frá stofnun lýðveldisins og af því tilefni eru hátíðarhöld um allt land. Ekki láta íbúar á Norðurlandi vestra deigan síga í þeim efnum en vegleg dagskrá er á Sauðárkróki, Blönduósi og Hvammstanga í tilefni dagsins. Feykir óskar Íslendingum nær og fjær til hamingju með daginn.Meira -
Jafnt í fjörugum leik Tindastóls og Víkings
feykir.is Skagafjörður, Íþróttir 17.06.2024 kl. 00.58Eftir þrjá tapleiki í röð ætluðu Stólastúlkur að næla í þrjú stig þegar bikarmeistarar Víkings komu valhoppandi norður yfir heiðar. Loks var leikið á gervigrasinu á Króknum en þar höfðu Stólastúlkur ekki sparkað í keppnistuðru síðan leysingahelgina miklu í apríl. Leikurinn var ágæt skemmtun, hart var barist en eftir að gestirnir náðu forystunni snemma í síðari hálfleik sáu þær um að jafna leikinn þegar skammt var til leiksloka. Liðin fengu því sitt hvort stigið eftir 1-1 jafntefli.Meira -
Töluvert sanngjarn sigur Tindastólspilta
feykir.is Skagafjörður, Íþróttir 16.06.2024 kl. 12.56Tindastólspiltar spiluðu fyrsta heimaleik sumarsins í gær þegar Reykjanesúrvalið mætti á gervigrasið sígræna á Sauðárkróki. Leikurinn var spilaður við fínar aðstæður og var líflegur, þó sérstaklega í fyrri hálfleik en þá baðaði markvörður gestanna sig í sviðsljósinu og hélt markinu hreinu. Stólarnir gerðu það sem þurfti í síðari hálfleik og uppskáru 2-0 sigur.Meira -
Sterkt stig til Húnvetninga
feykir.is Austur-Húnavatnssýsla, Íþróttir, Vestur-Húnavatnssýsla 16.06.2024 kl. 12.27Engin mörk voru skoruð í leik Kormáks Hvatar og Ægis í 2. deildinni sem fram fór í Þorlákshöfn sl. föstudasgkvöld. Fyrir leikinn var Ægir í 4. sæti með ellefu stig og Kormákur Hvöt í 9. sæti með sjö stig. Það má því sannarlega segja að þetta hafi verið sterkt og mikilvægt stig sem Húnvetningar kræktu í fyrir austan fjall.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.