Svakalegt „show“ í Sæluviku
Sæluvikutónleikar verða haldnir í Íþróttahúsinu á Sauðárkróki þann 1. maí næstkomandi. Nú eru fjögur ár liðin frá því að hin vinsæla Dægurlagakeppni var á Sæluviku og nú hefur verið ákveðið að blása til stórtónleika á ný – þar sem haldið verður í dægurlagahefðina.
„Ég hef verið að skipuleggja Gæruna tónlistarhátíð og mér fannst tilvalið að gera eitthvað meira í Skagafirði. Nú eru komin fjögur ár síðan eitthvað var gert í Íþróttahúsinu í Sæluvikunni, ég ákvað því að taka slaginn og setja upp Sæluvikutónleika,“ sagði Adam Smári Hermannsson skipuleggjandi tónleikana í samtali við Feyki.
Adam Smári vann við Dægurlagakeppnina á sínum tíma og segist hafa fundið fyrir miklum meðbyr þegar hann viðraði hugmyndir sínar um að skipuleggja tónleikana í Sæluviku. Hann fundaði með sveitarstjóra Svf. Skagafjarðar og ræddi við forsvarsmenn fyrirtækja og ýmsa listamenn til að koma að tónleikunum.
„Það er sami hópurinn og stendur að Gærunni sem aðstoðar mig. Svo hef ég fengið nokkra stóra styrktaraðila til liðs við mig; td. Bílaleigu Akureyrar og Vífilfell. Svo styður sveitarfélagið við okkur og Binný í Blóma- og gjafabúðinni á Sauðárkróki ætlar að annast miðasölu á Króknum en einnig verður hægt að nálgast miða á Tix.is.“
Gömul og góð íslensk dægurlög
Á tónleikunum stígur stórskotalið söngvara á svið og flytur íslenskar dægurlagaperlur, þau Jógvan Hansen, Eurovisionfarinn Alma Rut úr Vestanáttinni, Rúnar Örn úr Sixties og Birgitta Haukdal.
„Við förum alveg töluvert aftur í tímann með íslensk dægurlög. Birgitta Haukdal ætlar t.d. að taka Ort í sandinn eftir Geirmund Valtýsson, hún sagðist ekki vera búin að heyra það lag í 20 ár og vildi endilega taka það,“ sagði Adam Smári. Heimamenn munu heldur ekki að láta sig vanta og má nefna Róbert Óttarsson, Sigvalda Gunnarsson og Kristján Gíslason.
Adam Smári segir allt stefna í svakalegt „show“, hann eigi von á 40 feta gám fullum af búnaði til að gera tónleikana sem glæsilegasta. Meðal þess er stór LED skjár, sem m.a. hefur verið notaður í Ísland got Talent á Stöð 2, og verður lifandi grafík á skjánum meðan á tónleikunum stendur sem gerir enn meira úr „show-inu“, að sögn Adams Smára. Þannig að það verður ekki bara ljósabúnaður sem mun gera þessa upplifun stórkostlega.
Adam Smári vonast til að sjá sem flesta koma og skemmta sér á tónleikunum og að þetta verði upphafið að árvissum viðburði í Sæluviku Skagfirðinga.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
