Sveitasæla 2018
Sveitasæla 2018, landbúnaðarsýning og bændahátíð, verður haldin laugardaginn 18. ágúst í reiðhöllinni Svaðastöðum í Skagafirði.
Dagskráin er mjög metnaðarfull og allir ættu að finna eitthvað við hæfi. Í boði verður meðal annars húsdýragarður, sveitamarkaður – Beint frá býli, Leikhópurinn Lotta, Gunni og Felix, Hvolpasveitin, heitjárningar, smalahundasýning, kálfasýning, hrútadómar/hrútaþukl og véla- og fyrirtækjasýning.
Veitingasala verður á vegum Kiwanisklúbbsins Freyju, en allur ágóði rennur til góðra málefna í heimabyggð.
Enn er hægt að panta fyrirtækjabása og handverksborð, en þeir sem vilja panta slíkt er bent á að hafa samband við Sigurlaugu Vordísi Eysteinsdóttur í síma 659 9016 eða með tölvupósti á vordisin@gmail.com.
Aðgangur á Sveitasælu er ókeypis og verður sýningin opin frá kl. 10:00 - 17:00.
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.