Tap í Grindavík
Tindastóll sótti ekki gull í greipar Grindvíkinga suður með sjó í kvöld. Eftir jafnan fyrsta leikhluta sigu heimamenn fram úr í öðrum leikhluta og þeim þriðja. Í fjórða kom Tindastólsliðið aðeins til baka með betri varnarleik en það dugði ekki til og lokatölur 77-66.
Fyrsti leikhluti byrjaði ágætlega fyrir okkar með, þeir komust í 0-6 og síðar 8-13. Grindvíkingar hresstust þegar líða tók á leikhlutann og að honum loknum var staðan hnífjöfn 20-20.
Grindvíkingar léku betur í öðrum leikhluta en þegar staðan var 35-29 tók Borce leikhlé, enda verið langt frá því ánægður með varnarleik sinna manna. Það bar þó ekki tilætlaðan árangur að marki, því Grindvíkingar héldu sínum dampi og leiddu í hálfleik með 9 stiga mun 44-35, unnu annan leikhlutann 24-15.
Þegar hérna var komið við sögu var Hayward kominn með 12 og 5 fráköst, Helgi Rafn 8 stig og 4 fráköst, Kiki 7 stig og heilt frákast, Svabbi 4 og Sean með 4 sömuleiðis auk 5 frákasta og 4 stoðsendinga. Hvorki Rikki eða Helgi Freyr voru komnir á blað í hálfleik og munar sannarlega um minna.
Páll Axel var atkvæðamestur Grindvíkinga í hálfleik og leiddi í flestum tölfræðiþáttum, með 13 stig, 5 fráköst og 5 stoðsendingar.
Hayward opnaði seinni hálfleikinn með góðri körfu, en áfram var á brattann að sækja því Grindvíkingar voru mjög einbeittir. Þeir náðu 12 stiga forystu 53-41 þegar þriðji leikhluti var hálfnaður og fátt benti til annars á þessum tímapunkti en að þeir myndu sigla leiknum í örugga höfn. Páll Axel negldi þristi og kom muninum í 15 stig 56-41, þegar Tindastóll tók leikhlé til að reyna að endurskipuleggja leik sinn. Áfram jókst þó munurinn, fór upp í 20 stig 65-45, þegar um ein og hálf mínúta voru eftir en Helgi Rafn hélt smá von í okkar mönnum og átti góðan lokasprett fyrir leikhlutaskiptin, staðan 65-51 þegar fjórði leikhlutinn hófst.
Hann byrjaði ekki vel því Páll Axel sem var funheitur í leiknum, opnaði leikhlutann með þriggja stiga körfu og var þarna kominn með 26 stig. Kiki tók þá góða rispu og munurinn komst niður í 11 stig 70-59 þegar 7.30 lifðu leiks og Grindvíkingar tóku leikhlé. En þrátt fyrir fína baráttu og betri varnarleik en fyrr í leiknum, náði Tindastóll ekki að ógna Grindvíkingum að ráði undir lokin og leiknum lauk með sigri heimamanna 77-66.
Hayward Fain var stigahæstur í kvöld með 20 stig auk þess að taka 9 fráköst og senda 3 stoðsendingar. Helgi Rafn barðist vel og kláraði leikinn með 18 stig og 6 fráköst. Kiki var með 15 stig, Sean 6 auk 8 frákasta og 5 stoðsendinga, Svavar setti 4 stig og Rikki 3, en hann var einnig með 3 fráköst og 4 stoðsendingar.
Páll Axel, sem oft hefur verið Tindastólsmönnum erfiður ljár í þúfu, hélt uppteknum hætti með stórleik, skoraði 26 stig, tók 11 fráköst og sendi 5 stoðsendingar. Var með 5/5 í skotnýtingu í tveggja stiga skotum og 5/9 í þriggja.
Næsti leikur Tindastóls verður hér heima gegn ÍR á fimmtudaginn eftir viku. Verður þar um gríðarlega mikilvægan leik að ræða, en með sigri gæti Tindastóll blandað sér í baráttuna um 5 sætið í deildinni.
Fleiri fréttir
-
Sigurdís Sandra bæði á Hólum og Heimilisiðnaðarsafninu
feykir.is Skagafjörður, Austur-Húnavatnssýsla, Listir og menning, Lokað efni 19.07.2025 kl. 23.48Sigurdís Sandra Tryggvadóttir tónskáld, píanóleikari og söngkona verður með tvenna tónleika á Norðurlandi vestra á morgun, sunnudaginn 20. júlí. Hún hefur leik í Hóladómkirkju kl. 11:00 og drífur sig svo vestur á Blönduós þar sem hún spilar á sumartónleikum Heimiisiðnaðarsafnsins kl. 15:00 og slær þannig lokahöggið á Húnavöku.Meira -
Félagar í Drangey vilja bráðabirgðalög vegna strandveiða
feykir.is Skagafjörður 19.07.2025 kl. 23.00Félagsfundur Drangeyjar – smábátafélags Skagafjarðar haldinn 18. júlí 2025 mótmælir harðlega stöðvun strandveiða 16. júlí sl. Í tilkynningu frá félaginu segir að þetta sé sjötta árið í röð sem ekki er leyft að veiða út ágúst eins og lög frá 2018 gera ráð fyrir.Meira -
Stólarnir máttu þola tap í Kórnum
feykir.is Skagafjörður, Íþróttir, Lokað efni 19.07.2025 kl. 22.45Tindastóll og Ýmir mættust í Kórnum í Kópavogi í dag í 3. deildinni. Lið Tindastóls var í sjötta sæti með 17 stig en heimamenn voru næstneðstir með 11 stig. Nokkuð vantaði í leikmannahóp Stólanna sem voru aðeins með 14 menn á skýrslu en tveir lykilmenn eru staddir í Ameríkuhreppi með unga knattgæðinga af Norðurlandi vestra. Það for svo að heimamenn unnu leikinn 2-1.Meira -
Eva Rún og Bardaginn
feykir.is Skagafjörður, Mannlíf, Lokað efni 19.07.2025 kl. 16.15Sumir fá meira í fangið en aðrir og lífið virðist stundum ekki sanngjarnt. Þá hefst oft bardaginn við sjálfan sig og sálartetrið sem getur sannarlega verið strembinn. Feykir hefur áður birt viðtal við Evu Rún Dagsdóttir vegna veikinda sem hún gekk í gegnum. Hún hristi þau af sér harðnaglinn sem hún er en ekki leið á löngu áður en annars konar veikind tóku sig upp. Hamlandi kvíði. Eva Rún kallar ekki allt ömmu sína og hún reynir að takast á við sjúkdóminn á sinn hátt. Í vetur gaf hún út ljóðabók sem ber nafnið Bardagi þar sem hún skrifar um veikindi sín og bardagann sem hún stendur í.Meira -
Fyrsta messa í Hofskirkju eftir endurbætur
feykir.is Skagafjörður, Mannlíf, Lokað efni 19.07.2025 kl. 12.20Hofskirkja á Höfðaströnd var bændakirkja til 1915. Hún er orðin það aftur og er eigandi hennar Lilja Sigurlína Pálmadóttir á Hofi. Hofsókn og Hofsóssókn sameinuðust 2023 með Hofsóskirkju sem sóknarkirkju. Hofskirkja lagðist því af og eignaðist Lilja hana. Kirkjan var orðin verulega illa farin og þurfti miklar viðgerðir ætti hún að standa áfram.Meira
