Telur að um ólögmæta uppsögn sé að ræða
Á síðasta fundi SSNV þann 1. október síðast liðinn var tekið fyrir bréf frá lögfræðingi f.h. Katrínar Maríu Andrésdóttur, fyrrverandi framkvæmdastjóra SSNV, þar sem fram kemur að hún uni ekki þeirri túlkun stjórnar að hún hefji aftur störf sem atvinnuráðgjafi og hún líti svo á að um ólögmæta uppsögn sé að ræða.
Á fundinum mótmælti stjórn SSNV þessari túlkun, en stjórnin lítur svo á að um eðlilega ráðstöfun hafi verið að ræða og hafi stjórnin m.a. leitað ráðgjafar í úrlausn málsins hjá lögfræðingum sambands íslenskra sveitarfélaga. Katrín María gegndi starfi framkvæmdastjóra í námsleyfi Jóns Óskars Pétursson, sem sagði starfi sínu lausu fyrr í sumar og var starfið þá auglýst laust til umsóknar.
„Stjórnin harmar þessa niðurstöðu og lítur svo á að Katrín María segi sig þar með frá starfi atvinnuráðgjafa á vegum SSNV enda lítur hún svo á að stofnast hafi til fastráðningar hennar sem framkvæmdastjóra,“ segir í fundargerðinni.
„Þrátt fyrir að fyrir liggi að starfsmanni beri að skila vinnuframlagi við uppsögn í starfi óskar stjórn SSNV ekki eftir frekari vinnuframlagi Katrínar Maríu en að hún skili lyklum og skili skilagrein um stöðu einstakra verkefna. Gert verður upp við Katrínu Maríu samkvæmt kjarasamningsbundnum greiðslum,“ segir jafnframt í fundargerðinni, sem birt er á heimasíðu SSNV.
Fleiri fréttir
-
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira -
Prjónagraffið sett upp á Blönduósi
feykir.is Austur-Húnavatnssýsla, Listir og menning, Lokað efni 23.05.2025 kl. 14.09Undirbúningur Prjónagleðinnar er í fullum gangi á öllum sviðum og má m.a. sjá þess merki í prjónagraffi sem verið er að setja upp á Blönduósi. Í frétt á Húnahorninu segir a' Prjónagraffið hafi verið sett upp árlega í tengslum við hátíðina og hafa skreytingarnar glatt heimamenn og gesti. Um er að ræða listaverk sem prjónarar í bænum hafa prjónað í gegnum tíðina.Meira -
Heiminum verður bjargað rétt fyrir ellefu á mánudagskvöldið
feykir.is Skagafjörður, Listir og menning, Lokað efni 23.05.2025 kl. 12.05Dumm, dumm, dummdumm, dumm, dumm... Já, Króksbíó sýnir nýjustu og sennilega síðustu myndina í Mission Impossible seríunni á mánudaginn. Myndin hefur undirtitilinn The Final Reckoning. Bíógestir ættu að vera búnir að koma sér fyrir með popp og kók í salnum eina sanna á slaginu átta og geta þá fylgst með Krúsaranum leggja allt í söurnar til að bjarga heiminum frá hinsta degi í boði AI.Meira
