Það er líf í Hrútadal
Þann 13. ágúst næstkomandi verður efnt til málþings í félagsheimilinu að Ketilási í Fljótum en síðasta sumar var þar haldið málþing um Guðrúnu frá Lundi undir heitinu „Er líf í Hrútadal“. Það reyndist svo sannarlega vera og nú verður leikurinn endurtekinn en nú undir heitinu „Það er líf í Hrútadal“.
Á málþinginu verða verk Guðrúnar frá Lundi og annarra skagfirskra sagnaskálda krufin. Fyrir hlé munu nokkrir fyrirlesarar heiðra þingið og eru prófessor Baldur Hafstað, Hallgrímur Helgason rithöfundur og Álfdís Þorleifsdóttir nemi í bókmenntafræði þeirra á meðal. Eftir hlé verður landsmót leshópanna.
Í hléi mun Jón Ormar Ormsson stýra stuttum leikþætti eftir Ingibjörgu Hjartardóttur sem er brot úr degi Guðrúnar frá Lundi. Honum til halds og traust verður einvalalið skagfirskra áhugaleikara.
Dagskrá:
Svandís Svavarsdóttir, menntamálaráðherra setur málþingið.
Baldur Hafstað, prófessor: Skagfirsk sagnamenning - frá Stephani G. til Haralds Bessasonar
Hallgrímur Helgason, rithöfundur: Kona fer undir vatn.
Álfdís Þorleifsdóttir, meistaranemi í íslensku: Hjónabandssæla
Brot úr degi Guðrúnar frá Lundi, leikþáttur eftir Ingibjörgu Hjartardóttur í leikstjórn Jóns Ormars Ormssonar. Leikendur eru Elsa Jónsdóttir og Bragi Haraldsson.
Landsmót leshópanna. Til leiks er skráður einn hópur undir stjórn Soffíu Auðar Birgisdóttur bókmenntafræðings og Hrundar Ólafsdóttur leikskálds. Í umræðum er vonast eftir að fleiri leshópar láti ljós sitt skína.
Aðgangseyrir er 1.500 krónur fyrir málþing og kaffiveitingar. Síðan verður slegið upp harmonikkuballi um kvöldið þar sem andblær hins liðna fær að njóta sín. Ballið byrjar kl. 22:00 og stendur til 02:00, eins og var siður hér á árum áður.
Félagsheimilið Ketilás í Fljótum í Skagafirði fylltist af fólki síðasta sumar og þá sagði menntamálaráðherra Katrín Jakobsdóttir m.a.: Það er alltaf sama sagan með Guðrúnu, hún slær alltaf öll met og átti þar bæði við þær vinsældir sem skáldkonan átti að fagna á 5. 6. og 7 áratug síðustu aldar en einnig við þann fjölda sem sótti málþingið í fyrra, margir um langan veg. Og nú vonast menn til að Guðrún slái enn eitt metið.
Fleiri fréttir
-
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira -
Fjögur verkefni á Norðurlandi vestra fengu styrki
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 25.06.2025 kl. 07.37Fjórar umsóknir frá Norðurlandi vestra fengu brautargengi við aðra úthlutun úr Hvatasjóði íþróttahreyfingarinnar. Alls barst 91 umsókn í sjóðinn upp á rúmar 128 milljónir króna. Samþykktar voru 72 umsóknir og úthlutað tæpum 38,5 milljónum króna.Meira -
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira
