„Það er nánast allt hægt að endurnýta“
Anna Margret Valgeirsdóttir, grunnskólakennari á Blönduósi, er mikil áhugamanneskja um umhverfi og endurvinnslu. Hún er þeirrar skoðunar að okkur beri að nýta allt sem hægt er að nýta og skila jörðinni sómasamlega til afkomenda okkar.
Til að leggja sín lóð á vogaskálarnar heldur hún úti Facebook-síðunni Endurvinnsluhornið og saumar innkaupapoka, ávaxtapoka og fleira úr efnum sem flest eru úr vefnaðarvöruverslun sem móðir hennar rak í Vestmannaeyjum. Nýjustu afurðirnar eru svo jólapokar sem leysa eiga jólapappír af hólmi.
„Ég tek aldrei plastpoka og hef ekki gert það í mörg ár,“ segir Anna Margret. „Þetta snýst um skipulag. Maður er með innkaupapokann kláran, setur grænmetispokann ofan í hann og setur svo innkaupapokann út í bíl. Maður fer alltaf á bílnum í búðina. Smám saman verður þetta jafnmikil rútína og að taka peningaveskið með sér,“ segir Anna Margret m.a. í viðtali í nýjasta tölublaði Feykis.
Þess má geta að pokar frá endurvinnsluhorninu, ásamt ýmsu spennandi handverki úr Skagafirði, verða til sölu á markaði í matsal FNV í dag kl. 17-21:30.
Fleiri fréttir
-
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira -
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira
