Thelma Sif hlaut viðurkenningu fyrir afburða árangur á sveinsprófi
Snyrtifræðingurinn Thelma Sif Magnúsdóttir á Sauðárkróki hlaut á dögunum sérstaka viðurkenningu frá Iðnaðarmannafélaginu í Reykjavík. Viðurkenningin er árlega veitt þeim sem ljúka sveinsprófi með afburða árangri. Tuttugu nýsveinar úr þrettán greinum fá verðlaunin ár hvert en Thelma var eini snyrtifræðingurinn sem hlaut verðlaun í ár.
Afhendingin fór fram í Tjarnarsal Ráðhúss Reykjavíkur laugardaginn 1. febrúar að viðstöddu fjölmenni, m.a. forseta Íslands, mennta- og menningarmálaráðherra, iðnaðarráðherra og borgarstjóranum í Reykjavík.
Í samtali við Thelmu á vefnum pjatt.is kemur fram að hún lærði í Snyrtiakademíunni og fór eftir það á samning hjá Ernu Gísladóttur á snyrtistofunni Garðatorgi, þar sem hún segist hafa notið handleiðslu frábærra snyrtifræðinga sem leiðbeindu henni vel. „Á snyrtistofunni Garðatorgi er alltaf að mikið að gera og því hlaut ég mikla og góða reynslu af fjölbreytninni sem stofan býður uppá.“ Í maí 2013 fór Thelma því mjög vel undirbúin í sveinsprófið en því lauk hún með afburða árangri.
Einnig hlaut Erna Gísladóttir, meistari og eigandi Snyrtistofunnar á Garðatorgi sérstaka viðurkenningu, en meisturum nýsveinana er jafnframt veitt viðurkenning fyrir faglega leiðsögn iðnsveinsins á samningstíma.
Í dag á Thelma og rekur snyrtistofuna Sif á Sauðárkróki en hana opnaði hún í september síðastliðnum. „Ég get þakkað Ernu og stelpunum á snyrtistofunni Garðatorgi fyrir alla hvatninguna og aðstoðina við opnunina en Erna og tveir aðrir snyrtifræðingar, Steinunn og Erla, komu norður til að vera með mér á opnuninni.
Snyrtistofan gengur vel og hefur fengið mjög góðar móttökur. Að fordæmi snyrtistofunnar á Garðatorgi hef ég boðið uppá fjölbreyttar meðferðir og komið með ýmsar nýungar á Sauðárkrók. Þetta hefur gefist mjög vel enda er alltaf nóg að gera,“ segir Thelma Sif í samtali við pjatt.is.
Fleiri fréttir
-
Enn flæðir í Fljótum
feykir.is Skagafjörður, Lokað efni 06.06.2025 kl. 13.55„Þetta fer að vera kunnugleg sjón. Ós Miklavatns annar ekki vatnsflaumnum og yfirborð Miklavatns hækkar,“ segir Halldór Gunnar Hálfdansson, bóndi á Molastöðum í Fljótum, í færslu á síðunni Sveitin okkar – Fljótin. Enn á ný gera flóð bændum lífið leitt en að sögn Stefaníu Hjördísar Leifsdóttir er ástandið ekki eins slæmt og í fyrra.Meira -
560 mál á borð Lögreglunnar á Norðurlandi vestra í maí
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 06.06.2025 kl. 13.04Málafjöldi maímánaðar hjá Lögreglunni á Norðurlandi vestra reyndist áþekkur fyrri mánuðum ársins en 560 mál voru skráð til úrvinnslu hjá embætti lögreglunnar á svæðinu í maí. Í frétta á vef lögreglunnar kemur fram að þrátt fyrir sambærilegan málafjölda hafi meira verið um þung mál í maí en undanfarna mánuði.Meira -
Stólastúlkur mæta liði Vals í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 06.06.2025 kl. 10.53Það verður hellingur af fótbolta spilaður um hvítasunnuhelgina og hefst veislan í kvöld þegar lið Vals mætir í heimsókn á gervigrasið á Króknum þar sem Stólastúlkur bíða þeirra. Um er að ræða leik í áttundu umferð Bestu deildarinnar og aldrei þessu vant eru liðin á svipuðum slóðum í deildinni, lið Vals í sjöunda sæti með átta stig og Tindastóll í áttunda sæti með sex stig. Leikurinn hefst kl. 18 og útlit fyrir ágætt fótboltaveður.Meira -
Spáð skaplegu veðri um hvítasunnuna en engum hlýindum
feykir.is Skagafjörður, Austur-Húnavatnssýsla, Vestur-Húnavatnssýsla 06.06.2025 kl. 10.00Loks virðist veðrinu vera að slota hér á Norðurlandi vestra og útlit fyrir skaplegt veður um hvítasunnuhelgina þó ekki verði reyndar hlýindunum fyrir að fara. Í morgun var kalt á Króknum og það meira að segja snjóaði pínu í morgunsárið. En nú gerir Veðurstofan ráð fyrir að það birti þegar líður á daginn en almennt er reiknað með um fimm stiga hita og fimm m/sek að norðan í dag.Meira -
BioPol hlaut styrk frá Matvælasjóði
feykir.is Austur-Húnavatnssýsla, Lokað efni 06.06.2025 kl. 09.26Sjávarlíftæknisetrið BioPol á Skagaströnd fékk nýverið tæplega þrigga milljón króna styrk frá Matvælasjóði til verkefnis sem kallast SeaTofu og snýst um að kanna fýsileika, greina og útfæra hugmynd tengdri íslenskri matvælaframleiðslu. Alls hlutu 40 verkefni styrk að þessu sinni en 129 umsóknir upp á rúmlega tvo milljarða bárust til sjóðsins.Meira
