Tilraunamatseðill í Gránu Bistro næstu daga
„Já, okkur er frekar þröngur stakkur skorinn þegar ferðaþjónusta í heiminum liggur að mestu niðri og samkomubann er í gildi. Við erum með lokað til 4.maí en okkur langar að sýna lit og bjóða upp á eitthvað nýtt á matseðli fyrir íbúa hér,“ segir Áskell Heiðar Ásgeirsson í Gránu á Sauðárkróki en Grána Bistro auglýsir núna, fimmtudag til sunnudags, tímabundna opnun í eldhúsi frá kl. 17-21 þar sem boðið er uppá tilraunamatseðil.
Það er sumsé ekki opið í Gránu í veitingasalnum og ekki hefðbundinn matseðill. „Tekið verður við pöntunum í síma 588 1238 á þessum tíma og fólk sækir svo til okkar veitingar sem það pantar,“ segir Heiðar. „Við fengum landsliðskokkinn Kristin Gísla Jónsson til liðs við okkur í Gránu og saman höfum við búið til nýjan tilraunamatseðil sem verður prófaður þessi fjögur kvöld. Svo sjáum við til þegar við opnum aftur hvort eitthvað af þessum nýju réttum rata inn á okkar hefðbundna matseðil – en það er ekki ólíklegt.“
Hægt er að kíkja á upplýsingar um nýju réttina inni á Facebook-síðu Gránu Bistro en kokkarnir hafa galdrað fram spennandi rétti þar sem bragðskreyttir eru kjúklingavængir, vefjur, kartöflusmælki og grilluð flatbrauð með tilheyrandi viðbótum.
Hverju ert þú sjálfur spenntastur fyrir?„ Persónulega er ég spenntastur fyrir grilluðu flatbrauði með lamba kebab spjóti, jógúrt tahini, kórínder og toum, sennilega vegna þess að ég er alinn upp af sauðfjárbændum og veit að bæði flatbrauð og lambakjöt eru matur sem alltaf skapar gleði og hamingju. En ég hlakka mikið til að smakka þetta allt saman og hef þegar boðið fram krafta mína við smökkun,“ segir Heiðar með vatnið í munninum.
Hvernig leggst sumarið í framkvæmdastjóra Gránu Bistro og 1238? „Við sjáum mikil tækifæri í því að nú munu Íslendingar væntanlega ferðast mikið innanlands. Við erum með spennandi afþreyingu og frábæran veitingastað sem við munum efla enn meira á komandi vikum. Þá ætlum við að halda áfram með viðburði í smærri kantinum, en það er jú uppskrift sumarsins, að halda mannfögnuðum smáum í sniðum. Við erum því bara bjartsýn á komandi sumar þrátt fyrir að þetta sé ansi snúið ástand fyrir fyrirtæki sem var byggt til að taka á móti ferðafólki sem að mestum hluta átti að koma erlendis frá. Við vorum komin með mikið af bókunum og búin að fá frábærar viðtökur. Við trúum á þetta verkefni okkar og trúum því að við náum vopnum okkar á komandi árum þegar alheimurinn réttir úr kútnum.“
Sem fyrr segir er stefnt að opnun að nýju þann 4. maí nk. en næstu daga er þó hægt að taka tilraunamatseðilinn til kostanna.
Fleiri fréttir
-
Alþjóðlegi safnadagurinn hjá Byggðasafni Skagfirðinga á sunnudaginn
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 14.05.2025 kl. 14.40Í tilefni safnadagsins þann 18. maí n.k. verður í fyrsta sinn boðið upp á opið hús í varðveislurými safnsins í Borgarflöt 17D á Sauðárkróki kl. 14-16.Meira -
Vel heppnuð námsferð stúdenta í iðnaðar- og orkutæknifræði á Sauðárkrók
feykir.is Skagafjörður 14.05.2025 kl. 13.17Þann 6. maí síðastliðinn fóru stúdentar í iðnaðar- og orkutæknifræði í vel heppnaða dagsferð til Sauðárkróks þar sem þeir heimsóttu eftirtalin fyrirtæki á svæðinu: Mjólkursamlag KS, Steinullarverksmiðjuna, Stoð verkfræðistofu, Fisk Seafood og dagurinn endaði svo á því að skoða borholu hjá Skagafjarðarveitum. Auk þess kíktu stúdentarnir í heimsókn í Fjölbrautarskóla Norðurlands Vestra (FNV) þar sem stúdentar og starfsfólk kynntu iðnaðar- og orkutæknifræði fyrir nemendum skólans.Meira -
Tilkynning um fráveituframkvæmdir í Víðihlíð á Sauðárkróki 14. - 15. maí
feykir.is Skagafjörður 14.05.2025 kl. 12.27Á vef Skagafjarðar er vakin athygli á því að vegna fráveituframkvæmda í Víðihlíð á Sauðárkróki í dag og á morgun, megi búast við vegaþrengslum á framkvæmdasvæðinuMeira -
Tvö uppáhaldsliðin að mætast í úrslitum
feykir.is Skagafjörður, Íþróttir, Lokað efni 14.05.2025 kl. 09.40Rakel Rós Ágústsdóttir er fædd og uppalin á Sauðárkróki og má kannski segja að hún komi úr fremar rótgróinni körfuboltafjölskyldu. Hún, bræður og systir körfubolta-spilandi og síðan er hún gift Baldri Þór Ragnarssyni og á með honum soninn Ragnar Thor. Fyrir þá sem ekki vita er Baldur, maður Rakelar, þjálfari Stjörnunnar í meistaradeild karla í körfubolta sem etur nú kappi við Tindastól í úrslitum bónusdeildarinnar í körfubolta. Þriðji leikurinn í seríunni fer einmitt fram í Síkinu í kvöld og hefst á slaginu 19:15.Meira -
Hollvinasamtök Heilbrigðisstofnunar Hvammstanga hélt aðalfund
feykir.is Vestur-Húnavatnssýsla, Mannlíf, Lokað efni 14.05.2025 kl. 08.38Aðalfundur Hollvinasamtaka Heilbrigðisstofnunar Hvammstanga var haldinn þann 5. maí sl. Í tilkynningu frá samtökunum segir að á þeim 19 árum síðan samtökin voru stofnuð hafi þau afhent stofnuninni gjafir að upphæð kr. 51.280.000 sem á núvirði eru líklega í kringum 80 milljónir.Meira
