Tindastóll áfram í bikarnum eftir magnaðan útisigur á Keflvíkingum
Tindastóll sótti Keflvíkinga heim í Powerade bikarnum í kvöld. Fyrirfram voru möguleikar Tindastóls á sigri ekki taldir miklir, þar sem Keflvíkingar hafa verið að leika sérlega vel undanfarið og Tindastóll með menn í meiðslum og laskað lið sem fór á staðinn.
Tindastóll lék vel í fyrsta leikhluta og að honum loknum var staðan 24-33 fyrir Tindastól. Keflvíkingar hressust heldur betur í öðrum leikhluta, unnu upp forskot Tindastóls og gott betur, leiddu með fimm stigum í hálfleik 52-47.
Tindastóll spilaði þriðja leikhlutann ótrúlega og unnu hann afar sannfærandi 13-28 og staðan allt í einu orðin 65-75 fyrir Tindastól. Í fjórða leikhluta var bara gefið í og líklega ár og dagur síðan Keflavík fer ekki yfir 80 stigin á heimavelli. Lokastaðan alveg hreint út sagt mögnuð 78-95!! Keflvíkingum haldið í 26 stigum á heimavelli.
Miklu hefur munað að Trifunovic sem farið hefur hamförum í undanförnum leikjum Keflvíkinga var hreinlega tekinn út úr sínum leik. En varnarleikur okkar manna hefur verið gríðarlega góður í leiknum, það er alveg ljóst.
Rikki sat heima meiddur á ökkla og Helgarnir Freyr og Rafn voru á "einari" ef svo má segja, eiga báðir við meiðsli að stríða. Svabbi og Halli komu inn í byrjunarliðið að þessu sinni og allir níu leikmennirnir á skýrslunni spiluðu góðar mínútur og m.a. kom Tobbi inn og leysti Sean af í miðjum leik og gerði það vel.
Hayward Fain var stigahæstur í kvöld með 29 stig auk þess að taka 14 fráköst og senda þrjár stoðsendingar. Sean átti magnaðan leik einnig, setti 27 stig, Kiki var með 21 og 6 fráköst, Svavar var með 7 stig, Helgi Freyr með 6 stig, 4 fráköst og 5 stoðsendingar, Halli og Hreinsi með 2 stig hvor og Helgi Rafn með 1 stig, 7 fráköst og þrjár stoðsendingar.
Tindastóll vann slaginn á "borðunum" tóku 37 fráköst á móti 27 þeirra Keflvíkinga og eftirtektarvert er að liðið hitti úr 53% þriggja stiga skota sinna sem er mögnuð liðshittni en aðeins úr 54% af vítum sínum.
Næsti leikur Tindastóls er aftur gegn Keflavík á fimmtudaginn kemur, en þá í deildinni. Keflvíkingar ætla sér væntanlega ekki að tapa aftur fyrir Tindastóli, en að sama skapi verður það verkefni okkar manna að hrista Keflavíkurgrýluna endanlega af sér.
Fleiri fréttir
-
Enn á ný hægt að komast til himna í Húnavatnssýslu
feykir.is Austur-Húnavatnssýsla, Lokað efni 13.05.2025 kl. 14.48Það styttist í að enn á ný verði hægt að stíga til himna í Austur-Húnavatnssýslu. Feykir sagði frá því á síðasta ári að tvívegis tók Himnastiginn á Skúlahóli í Vatnsdalnum flugið í ofsaroki. Nú í vikunni var hafist handa við setja hann saman og festa niður á ný.Meira -
Samtal um náttúruvernd og ganga um Spákonufellshöfða með SUNN
feykir.is Austur-Húnavatnssýsla 13.05.2025 kl. 14.24Laugardaginn 17. maí verður viðburður á vegum SUNN, Samtök um náttúruvernd á Norðurlandi sem býður til samtals á Norðurlandi vestra, nánar tiltekið á Skagaströnd. Viðburðurinn hefst á gönguferð um friðlandið í Spákonufellshöfða, þar sem Einar Þorleifsson náttúrufræðingur sér um leiðsögn. Skoðum fugla, plöntur og áhugaverða jarðfræði svæðisins.Meira -
Tindastóll Íslandsmeistarar
feykir.is Skagafjörður, Íþróttir 13.05.2025 kl. 14.16Þann 12. apríl síðastliðinn var Íslandsmeistaramót yngri flokka í júdó haldið hjá Ármanni í Reykjavík. 5 keppendur frá Tindastól mættu til leiks en því miður fengu bara fjögur að keppa.Meira -
Nýprent heldur utan um alla viðburði á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 13.05.2025 kl. 14.14SSNV og Nýprent hafa gert með sér samkomulag um að Nýprent haldi utan um nýja viðburðasíðu sem auðveldar íbúum Norðurlands vestra að fylgjast með öllu því fjölbreytta mannlífi og viðburðum sem fram fara á svæðinu. Verkefnið er hluti af áhersluverkefnum SSNV og byggir á Sóknaráætlun landshlutans þar sem eitt af meginmarkmiðum er að auka sýnileika viðburða og efla samfélagslíf.Meira -
Varmahlíðarskóli áfram í úrslit Skólahreysti 2025
feykir.is Skagafjörður, Íþróttir 13.05.2025 kl. 10.35Varmahlíðarskóli tók á dögunum þátt í undankeppni Skólahreysti í riðli 1 á Akureyri. Liðið lenti í 2. sæti riðilsins með jafnmörg stig og sigurvegarar Grunnskóla Húnaþings vestra.Meira
