Tindastólsmenn heillum horfnir
Í gærkvöldi áttust við Fjölnir og Tindastóll í Iceland Express deldinni í körfuknattleik og var leikið syðra. Leikurinn var gríðarlega mikilvægur báðum liðum, með sigri hefðu Stólarnir glætt möguleika sína á sæti í úrslitakeppninni en ef leikurinn tapaðist væru þeir komnir í bullandi baráttu fyrir sæti sínu í deildinni. Í stuttu máli þá höfðu Fjölnismenn yfirhöndina nánast allan leikinn og sigruðu að lokum 88-83.
Heimamenn í Fjölni fóru vel af stað með Brandon Brown í miklum troðsluham. Þeir komust í 8-2 en Stólarnir komust vel inn í leikinn og náðu forystu skömmu fyrir lok fyrsta leikhluta en Fjölnismenn komu til baka og voru þremur stigum yfir, 24-21, þegar annar leikhluti hófst. Stólarnir jöfnuðu með þristi en lið heimamanna náðu aftur yfirhöndinni og leiddi mest allan annan leikhluta með 6-8 stiga mun. Fain lét það alveg vera að skora fyrir Stólana í fyrri hálfleik og það verður að teljast galli á þessum skemmtilega leikmanni að það vill oft lítið ganga hjá honum framan af leikjum. Staðan í hálfleik 41-35.
Stólarnir skiptu í svæðisvörn í síðari hálfleik og komu Fjölnismönnum í opna skjöldu og náðu að komast yfir þegar 2-3 mínútur voru eftir af þriðja leikhluta. Fain átti loks góða syrpu þegar hann setti 7 stig í röð og jafnaði leikinn í 50-50 og síðan var allt í járnum. Það var hinsvegar skarð fyrir skildi þegar fyrirliði Tindastóls, Helgi Rafn, kvaddi samkunduna með heilar 6 villur á bakinu og Fjölnir endaði leikhlutann vel og hafði yfir 63-57.
Stólunum gekk ágætlega að loka á Brown í síðari hálfleik en það var verra að við það opnuðust flóðgáttir hjá 3ja stiga skyttum heimamanna sem röðuðu niður körfum. Fjórði leikhluti var erfiður gestunum sem reyndu hvað þeir gátu til að jafna leikinn en heimamenn gáfu engin grið og hleyptu Stólunum ekki nálægt sér. Munurinn sem fyrr yfirleitt 5-8 stig en undir lokin orðinn 9 stig, staðan 88-79, en Stólarnir höfðu sigrað heimaleik sinn gegn Fjölni með 10 stiga mun og mikilvægt að verja þá stöðu í lokin. Og það hafðist þegar besti maður Stólanna, Sean Cunningham, setti niður 4 víti í blálokin og lokatölur því 88-83.
Eftir þetta tap er Tindastóll líkt og fyrir leik í 9. sæti deildarinnar með jafn 14 stig líkt og Fjölnir en Stólarnir standa betur að vígi í innbyrðisviðureignum liðanna. Þar fyrir neðan er lið Hamars með 12 stig en þar standa Stólarnir einnig betur í innbyrðis viðureignum liðanna. Það þarf því mikið að ganga á í síðustu tveimur umferðunum til að Stólarnir féllu niður um deild.
Í næstu umferð fá Stólarnir Keflvíkinga í heimsókn og verður leikurinn næstkomandi mánudag kl. 19:15. Fimmtudaginn þar á eftir fer lokaumferðin fram og þá sækja Tindastólsmenn Njarðvíkinga heim. Í viðtali við Körfuna.is er Svabbi Bigga Hreinsa þó fjallbrattur og reiknar með að leggja Suðurnesjarisana báða í síðustu leikjunum. Stuðningsmenn eru hvattir til að fjölmenna í Síkið á mánudagskvöld og styðja við bakið á Stólunum!
Stig Tindastóls: Cunningham 25/10 fráköst, Kitanovic 16, Fain 13/12 fráköst, Svabbi 9, Helgi Rafn 8/10 fráköst, Rikki 8 og Helgi Margeirs 4.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
