Tölvuvædd fjárhús á Brúnastöðum
Á Brúnastöðum í Fljótum hefur nýlega verið fjárfest í tölvubúnaði í fjárhúsunum sem skannar örmerki á hverri kind og kallar fram allar nauðsynlegar upplýsingar um bústofninn. Aðferðir við val á lömbum til slátrunar, sem nú stendur sem hæst í sveitum landsins, eru því talsvert frábrugðnar því sem gengur og gerist. Frá þessu var sagt í kvöldfréttum RÚV í gær.
Öll lömbin á Brúnastöðum eru nú með örmerki í eyranu, þau fara í gegnum tölvubúnað sem skannar merkið, sækir um leið upplýsingar um hvert lamb, viktar þau og flokkar eftir þyngd. Þetta er þó bara ein ástæða þess að Jóhannes H. Ríkharðsson og Stefanía Hjördís Leifsdóttir, kona hans, ákváðu, fyrst bænda hér á landi, að fjárfesta í þessum tölvubúnaði. „Ég hef nú alltaf lagt mikið upp úr ræktun og viljað hafa hlutina á hreinu. Svo er þetta bara upp á öryggið og tímann, að komast yfir allt saman á réttum tíma og gert hlutina rétt. Hafa hlutina á hreinu,“ segir Jóhannes í samtali við RÚV.
Þannig segir hann hægt að fylgja nákvæmlega hverri kind frá fæðingu, allan ársins hring, á fengitíma, í sauðburði og sláturtíð. „Ég held að þetta geti í raun og veru létt manni öll störf rosalega mikið. Sumir eru kannski að eyða peningunum í fjórhjól og einhverjar græjur. Ég hef áhuga á ræktun og ég ákvað að fjárfesta í þessu, frekar en einhverjum öðrum græjum,“ sagði Jóhannes ennfremur í samtalinu við RÚV.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
