Tónleikarnir Græni salurinn verða að sjálfsögðu í aðalsalnum í Bifröst
Nú á föstudagskvöldið verða tvöföldu bítin tekin til kostanna um leið og skagfirskir tónlistargæðingar slá botninn í árið með spennandi tónleikum í Bifröst við Skagfirðingabrautina á Króknum. Og áheyrendur þurfa ekki að óttast að tónleikarnir fari fram í gamla Græna salnum undir Bifröstinni (eins og óvart var misritað í Jóladagskrá Sjónhornsins) því stuðið verður að sjálfsögðu í bíósalnum.
Feykir hafði samband við tónlistarséníið Ægi Ásbjörns, sem er ein af aðalsprautum tónleikanna sem kallaðir eru Græni salurinn, og reyndi að veiða upp úr honum upplýsingar um tónleikana. Einhverjir tónlistaráhugamenn muna eflaust eftir VSOT-tónleikunum sem hafa verið haldnir í Bifröst á Lummudögum og verður Græni salurinn með svipuðu sniði. Skagfirskir tónlistarmenn, bæði heimamenn og brottfluttir, munu láta ljós sín skína og alls kyns óvæntar samsetningar á hljómsveitum verða dregnar á svið.
Ægir tjáði Feyki að ungur harmonikkuleikari, Arnar Freyr, yrði að líkindum fyrstur á svið en meðal annarra sem dúkka upp verður hljómsveitin Græni salurinn sem leidd er af Rögga Valbergs, þá munu bassaleikarinn og tónlistardoktorinn Úlli Har og gítargúrúið Reynir Snær troða upp með sínum sveitum og síðast en ekki síst verður Hljómsveit Pilla Prakkó á fullu Me-Gasi.
Miklu fleiri verða á sviðinu í Bifröst, sumir afar óvæntir – aðrir alls ekki óvæntir – en allt í allt munu sennilega um sex sveitir/atriði stíga á stokk. Leynigestur verður á staðnum. Aðgangseyririnn er ekki að setja neinn á hliðina, aðeins 500 kjell. Herlegheitin hefjast kl. 20:30 föstudagskvöldið 29. desember. Nú er bara að mæta í góða skapinu og hafa gaman.
- - - - -
P.S. Beðist er velvirðingar á þessum leiðu mistökum í Sjónhorninu varðandi staðsetningu tónleikanna ;o)
Fleiri fréttir
-
Hestamenn slá botninn í Sæluvikuna
feykir.is Skagafjörður, Íþróttir, Mannlíf, Lokað efni 01.05.2025 kl. 13.51Það fer vel á því að Sæluviku Skagfirðinga endi á hátíð hestamanna en á laugardaginn verður sýningin Tekið til kostanna í Reiðhöllinni Svaðastöðum og hefst kl. 19:00. Kvöldið áður dregur til tíðinda í Mesitaradeild KS þegar lokamótið fer fram í Svaðastaðahöllinni en keppt verður í tölti og Fluguskeiði. Þessu má auðvitað ekki nokkur maður missa af. Feykir lagði nokkrar spurningar fyrir Sigurlínu Erlu Magnúsdóttur sem stjórnar þessu öllu saman.Meira -
Skörungur í sögu verkalýðsbaráttunnar | Álfhildur Leifsdóttir skrifar
feykir.is Skagafjörður, Aðsendar greinar 01.05.2025 kl. 13.001.maí hefur löngum verið dagur samstöðu, baráttu og vonar. Þetta er dagur verkalýðsins sem hefur lengi barist fyrir betri kjörum, styttri vinnudegi, mannsæmandi launum og auknu öryggi á vinnustöðum. En þessi dagur er líka áminning um að baráttan er ekki búin, hún heldur áfram í nýjum myndum, með nýjum áskorunum og nú á Kvennaári 2025 hefur hún aldrei verið mikilvægari.Meira -
Starf skólameistara við FNV laust til umsóknar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.05.2025 kl. 10.41Mennta- og barnamálaráðuneytið auglýsir embætti skólameistara Fjölbrautaskóla Norðurlands vestra laust til umsóknar. Skólanum hefur haldist ákaflega vel á sínum skólameisturum sem hafa frá stofnun aðeins verið tveir; fyrst Jón F. Hjartarson en hann stýrði skólanum allt þar til sumarið 2011 að Ingileif Oddsdóttir tók við taumunum.Meira -
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.