Tröllaborg valin til að taka þátt í könnun
Leikskólinn Tröllaborg á Hólum hefur verið valinn til að taka þátt í könnun á málumhverfi og lestrarnámi barna.
Leikskólinn á Hólum er einn af tíu leikskólum sem eru til skoðunnar og er könnun þessi í samræmi við þriggja ára áætlun mennta- og menningarmálaráðuneytisins um ytra mat í leik-, grunn- og framhaldsskólum. Ráðuneytið hefur gefið út skýrslu um verkefnið sem finna má hér.
Leikskólinn hefur frá árinu 2009 lagt mikinn metnað í þetta þróunarverkefni sem ber heitið Leikur og læsi og er gert ráð fyrir að það standi yfir í fjögur ár. Verkefnið er unnið í samstarfi við grunnskólann á Hólum, en skólarnir eru í sama húsnæði. Kennari yngri barna við grunnskólann stýrir verkefninu og er það hluti af meistaraverkefni hennar við Háskólann á Akureyri.
„Markmiðið er að setja fram áætlun um læsisnám- og kennslu frá leikskóla til grunnskóla, byggja upp lestrarvænt umhverfi í leik- og grunnskóla og hvetja börn og foreldra til lestrar. Enn fremur er lögð áhersla á að finna sem fyrst þau börn sem eru í áhættuhópi og kanna hvaða áhrif snemmtæk íhlutun og markviss vinna með lestur í leikskóla og á fyrstu árunum í grunnskóla hefur á lestrarnám barna,“ segir á heimasíðu leikskólans.
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
