Tveir stórleikir á Króknum í dag
Það er stór dagur í íþróttalífinu á Sauðárkróki í dag. Fyrst taka Stólastúlkur á móti Íslandsmeisturum Breiðabliks í Bestu deild kvenna í knattspyrnu og í kvöld fer fyrsta viðureignin fram í úrslitaeinvígi Tindastóls og Stjörnunnar um Íslandsmeistaratitilinn í körfubolta.
Fjórum umferðum er lokið í Bestu deild kvenna og hafa Stólastúlkur unnið einn leik, þann fyrsta, en tapað síðustu þremur leikjum með eins marks mun og mega vera hundsvekktar með það því þær hafa sannarlega verðskuldað meira. Í fyrra marði lið Blika 0-1 sigur á Króknum þar sem Tindastólsliðið átti skínandi leik, Þær munu eflaust gefa sig allar í leikinn sem hefst kl. 16:30.
Körfuboltinn hefst svo í Síkinu kl. 20:15 en tjaldið verður opnað kl. 17:15 og stemningin rifin í gang. Hægt verður að næla sér í hamborgara, drykki og það er alltaf eitthvað nýtt og spennandi í Tindastólsbúðinni. Auddi Blö og Sæþór Már keyra svo upp stuðið. Húsið verður síðan opnað 18:45 eða góðum einum og hálfum tíma fyrir leik.
Reikna má með æsilegu einvígi þessara tveggja liða sem hafa verið bestu liðin í vetur og enduðu í tveimur efstu sætunum. Stólarnir þó skrefinu á undan og urðu deildarmeistarar í fyrsta sinn í sögu félagsins. Heimavallarétturinn er því okkar þannig að ef að til oddaleiks kemur þá verður hann á Króknum – það er bara þannig. Bæði lið eru vel mönnuð og með mikla breidd og bæði vilja spila hraðan körfubolta og grjótharðan varnarleik.
Munum að styðja okkar lið fallega og með jákæðni og gleði að leiðarljósi – bæði á fótbolta- og körfuboltavellinum. Áfram Tindastóll!
Fleiri fréttir
-
Björgunarsveitin Grettir með slöngubátanámskeið
feykir.is Skagafjörður 08.05.2025 kl. 10.20Björgunarsveitin Grettir á Hófsósi segir frá því á Facebook-síðunni sinni að um sl. helgi hafi sjö félagar frá þeim setið námskeið í slöngubátum og var það haldið á Hofsósi. Námskeiðið var bæði bóklegt og verklegt námskeið, þar sem farið var yfir meðal annars hvernig á að setja báta í tog og bjarga einstaklingi upp úr sjó.Meira -
Gagnasöfnun og fýsileikagreining á hagnýtingu á hauggasi sett af stað
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 08.05.2025 kl. 09.58Bændablaðið sagði frá því að dögunum að í apríl var sett af stað verkefni við gagnasöfnun og fýsileikagreiningu vegna mögulegrar hagnýtingar á hauggasi frá urðunarstað í Stekkjarvík, norðan við Blönduós, sem er einn sá stærsti á landinu.Meira -
Opið fyrir tillögur um tilnefningar til Íslensku menntaverðlaunanna 2025
feykir.is Skagafjörður, Austur-Húnavatnssýsla, Vestur-Húnavatnssýsla 08.05.2025 kl. 08.13Embætti forseta Íslands, mennta- og barnamálaráðuneyti, innviðaráðuneyti, Samtök iðnaðarins, Félag um menntarannsóknir, Grunnur – félag stjórnenda á skrifstofum fræðslumála í sveitarfélögum, Háskólinn á Akureyri, Háskóli Íslands, Kennarasamband Íslands, Listaháskóli Íslands, Miðstöð menntunar og skólaþjónustu, Reykjavíkurborg, Samband íslenskra sveitarfélaga og Samtök áhugafólks um skólaþróun hafa með sér samstarf um að veita árlega viðurkenningu fyrir framúrskarandi skóla- og frístundastarf eða aðrar umbætur í menntamálum. Verðlaunin heita Íslensku menntaverðlaunin og var Árskóli á Sauðárkróki tilnefndur í flokki A, Framúrskarandi skólastarf eða menntaumbætur, í fyrra en verðlaunin hlaut Fellaskóli í Reykjavík.Meira -
Miklar leysingar og flóð í Héraðsvötnum
feykir.is Skagafjörður 08.05.2025 kl. 08.06Á heimasíðu Skagafjarðar segir að Almannavarnadeild Ríkislögreglustjóra vekur athygli á vatnavöxtum í Austari Jökulsá og Héraðsvötnum. Austari Jökulsá er komin upp fyrir fimm ára flóðamörk á vatnshæðamælinum við Skatastaði (V433) og er enn á uppleið, nálgast 10 ára mörkin. Vatnshæð á þessum stað mælist nú um 420 cm og hefur ekki mælst svona há síðustu 2 ár.Meira
