Unglingaflokkur Tindastóls sló KR út
Drengirnir í unglingaflokki Tindastóls gerðu sér lítið fyrir í gærkvöldi og slógu út lið KR í átta liða úrslitum Íslandsmótsins en leikið var í Síkinu á Króknum. Þegar upp var staðið eftir æsispennandi leik reyndust lokatölur 105-100.
Á heimasíðu Tindastóls segir að jafnræði hafi verið með liðunum lengst af en Tindastóll þó aðeins yfir allan leikinn. Staðan var 28-21 eftir fyrsta leikhluta en í hálfleik voru Stólarnir með níu stiga forystu, 58-49. Sami munur var að loknum þriðja leikhluta, 85-76, en í fjórða leikhluta þjörmuðu KR-ingar verulega að Tindastólsstrákunum og þegar tvær mínútur lifðu af leiknum höfðu þeir minnkað muninn í aðeins tvö stig, 97-95. Tindastólsstrákarnir héldu hins vegar út og unnu 105-100. Ingvi Rafn Ingvarsson og Pétur Rúnar Birgisson var atkvæðamestir í liði Stólanna með 28 og 24 stig.
Drengirnir eru því komnir í undanúrslit Íslandsmótsins og þar leika þeir gegn sameinuðu liði Skallagríms og Snæfells og verður leikið í Hólminum í næstu viku.
Stig Tindastóls: Ingvi með 28 stig, Pétur með 24, Þröstur 14, Sigurður Páll 11, Friðrik Stefáns 11, Hannes 9 og Viðar 8.
Fleiri fréttir
-
Startup Landið – hraðall fyrir nýsköpunarverkefni á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.07.2025 kl. 17.10Nú er opið fyrir umsóknir í Startup Landið, sjö vikna viðskiptahraðal sem ætlaður er frumkvöðlum og nýsköpunarverkefnum á landsbyggðunum. Á heimasíðu SSNV segir að Hraðallinn hefjist 18. september og lýkur með lokaviðburði 30. október þar sem þátttakendur kynna verkefni sín.Meira -
Lukkuklukkur klingdu á klikkuðum tónleikum
feykir.is Skagafjörður, Listir og menning, Lokað efni 03.07.2025 kl. 16.22Það var heldur betur stuð og stemmari á tónleikunum Græni Salurinn sem fóru fram í Bifröst á Sauðárkróki föstudaginn 27. júní síðastliðinn. Að sögn Guðbrandar Ægis Ásbjörnssonar, sem er einn forvígismanna tónleikanna, þá var rúmlega fullt hús eða um það bil 110 gestir. Þeim var boðið upp á fjölbreytta og ferska tónlistarveislu en um 30 flytjendur stigu á stokk en alls voru atriðin ellefu talsins.Meira -
Hafnarframkvæmdir fyrirferðarmiklar á Skagaströnd
feykir.is Austur-Húnavatnssýsla, Lokað efni 03.07.2025 kl. 14.53„Það eru ýmsar framkvæmdir á döfinni í sumar,“ sagði Alexandra, sveitarstjóri Skagastrandar, þegar Feykir spurðist fyrir um helstu verkefni sveitarfélagsins í sumar og til lengri tíma litið. „Stærstu verkefnin tengjast Spákonufellshöfða og Skagastrandarhöfn.“Meira -
Búið að finna aðalleikarann í Bless, bless Blesi
feykir.is Skagafjörður, Listir og menning, Lokað efni 03.07.2025 kl. 13.25„Það er margt í mörgu,“ sagði einhver eldklár. Körfuknattleiksdeild Tindastóls tilkynnti í vikunni um óvenjulega fjáröflun sem tengist stóru sjónvarpsþáttaverkefni sem tekið verður upp í Skagafirði næstu vikurnar. Serían gerist m.a. á Landsmóti hestamanna og til að allt verði sem best lukkað þarf góðan hóp fólks til að sitja í áhorfendastúkunni á Hólum. En hvaða þættir eru þetta? Feykir forvitnaðist örlítið um sjónvarpsseríuna Bless, bless Blesi.Meira -
Stefnt á að hefja nám í matvælaiðn við FNV í haust
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.07.2025 kl. 12.18Fjölbrautaskóli Norðurlands vestra hefur undanfarið, í samstarfi við Kaupfélag Skagfirðinga, unnið að nýrri námsbraut í matvælaiðn. Í tilkynningu á vef skólans segir að brautin sé 60 einingar og ljúka nemendur námi á 2. þrepi framhaldsskólastigs.Meira
