Úrkomuleysið í Skagafirði
Ekki hefur farið framhjá nokkrum manni að undanfarin misseri hafa verið úrkomulítil. Á landsvísu á það einkanlega við um vestanvert landið enda ríkjandi austanáttir búnar að vera í mörg ár. Úrkomuskugginn vestan Tröllaskaga verður þá meira áberandi enda hindrar fjallgarðurinn mest alla úrkomu sem kemur með austlægum vindáttum.
Eins og sjá má í töflunni voru áhrif fjallgarðsins áberandi árið 2010 en þá var úrkoma á Bergstöðum innan við helmingur af úrkomunni á Akureyri.
Úrkoma á fjórum mælistöðvum á landinu undanfarin ár
Í Skagafirði er alla jafna lítil úrkoma og að meðaltali innan við 500 mm á stórum hluta láglendis héraðsins. Samkvæmt mælingum á Bergstöðum 1981-2010 var meðalúrkoma á ári 461 mm. Síðustu þrjú ár hefur meðalúrkoman þar verið að jafnaði 368 mm og sló öll met héraðsins árið 2010 með sínum 257 mm og þar með minnsta úrkoma á mælistöðvum landsins. Næst lægsta gildi á mælistöðvum landsins árið 2010 var í Litla-Hlíð (í Vesturdal í Skagafirði) með 264 mm. Til samanburður er mesta sólarhringsúrkoma sem mælst hefur á Íslandi 293 mm (Kvísker í Öræfum). Úrkoman samanlagt síðustu þrjú árin fer í flokk með lægstu mælingum á stöðvum hérlendis en þar eru m.a. Brú á Jökuldal og Grímsstaðir á Fjöllum. Á þessu ári virðist lítið lát á þurrkunum með lækkandi vatnsstöðu. Lítið frost var í jörðu í vetur og ef að líkum lætur ríkjandi sólfarsvindar framundan. Ekki er vafi að úrkomuleysið hefur áhrif á gróðurfar og lítið frost í jörðu gerir langvarandi þurrkakafla á vorin enn verri fyrir gróður. Skal því ekki undra að gróður sé grámóskulegur. Hér á árum áður var hægt að treysta á frost í jörðu og víða um héraðið einhver snjóalög fram eftir vori. Þakka ber því fyrir einhvern snjó og vonandi kemur vægt snjóskot í maí. Til samanburðar á svæðum erlendis þá er úrkoma á svokölluðu Sahel belti Afríku, þar sem manntjón eru tíð vegna þurrka og uppskerubrests, víða 300-400 mm. Hérlendis er sem betur fer eitthvað minni uppgufun vegna lægri lofthita.
/Hjalti Þórðarson
Fleiri fréttir
-
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyno, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira
