Arnar getur ekki beðið eftir að taka þátt í veislunni
Strákarnir hefja leik í úrslitakeppni Bónus deildarinnar í körfubolta annað kvöld þegar ÍR-ingar mæta galvaskir norður yfir heiðar. Hefjast leikar í Síkinu kl. 19:00 og að sögn Dalla formanns þá gengur miðasala vel og fólk hvatt til að tryggja sér miða sem fyrst – enda búist við fullu húsi. Þá tjáði Arnar þjálfari Feyki að það væri „tilhlökkun að fara að byrja þetta.“
„ÍR er með lið sem spilar fast og brýtur mikið, við þurfum að vera klárir fyrir það,“ sagði Arnar þegar hann var spurður í morgun út í styrkleika ÍR og hvað þeir komi með að borðinu. „Þeir eru svo með Jackob Falco sem er gríðarlega sterkur skorari og getur búið til fyrir liðsfélaga sína. Taktískt eru þeir með nokkrar mismunandi varnir og spila meira svæði en mörg önnur lið. Við þurfum að vera klárir að spila á okkar styrkleikjum og gera hlutina sem ein heild.“
Ertu ánægður með standið á þínu liði? „Ég er mjög sáttur við staðinn á liðinu okkar, finnst menn vera ferskir og einbeittir á verkefnið.“
Mun þjálfarinn stíga dans á hliðarlínunni? „Ég get ekki beðið eftir að taka þátt í þessari veislu með stuðningsmönnunum okkar – ég veit að þeir verða auka maður fyrir liðið,“ segir Arnar að lokum.
Þá sagði Dagur að iðkendur geti náð í sína miða í kvöld í sjoppuna. Á föstudaginn langa mæta Stólastúlkur síðan Njarðvík og er fólk hvatt til að fjölmenna og skapa alvöru Síkis-stemningu. Frítt verður í Síkið fyrir alla yngri en 16 ara á kvennaleikinn.
Fleiri fréttir
-
Vindhvellur og gul viðvörun á Norðurlandi vestra á morgun en annars fín spá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 01.04.2026 kl. 15.03Feykir hafði samband við skíðasvæði Tindastóls um hádegið og spurðist fyrir um skíðafærið. Opið er á skíðasvæðinu í dag og útlit fyrir ágætt veður og nóg af snjó mestalla páskahelgina. Á morgun, skírdag, stefnir þó í að það verði bálhvasst á Norðurlandi vestra en miðað við spá Veðurstofunnar hvessir talsvert að austan eða suðaustan upp úr miðnætti og fram eftir morgni. Það versnar enn í því eftir hádegi en í Skagafirði er spáð allt að 26 m/sek um kl. 14. Eðlilega er búið að skella á okkur gulri viðvörun sem tekur gildi um miðja nótt og stendur til kl. 17 á skírdag.Meira -
Kvennatölt Líflands og Skagfirðings
feykir.is Skagafjörður, Austur-Húnavatnssýsla, Íþróttir, Hestar, Vestur-Húnavatnssýsla, Lokað efni 01.04.2026 kl. 11.05Á morgun, skýrdag, verður haldið í reiðhöllinni Svaðastöðum hið árlega Kvennatölt Líflands og Skagfirðings. Mót þetta hefur verið árlegur viðburður um margra ára skeið við miklar vinsældir.Meira -
Sigurður Líndal leiðir Framsókn í Húnaþingi vestra
feykir.is Vestur-Húnavatnssýsla, Mannlíf 01.04.2026 kl. 09.48Félagsfundur Framsóknarfélags Húnaþings vestra sem haldinn var þann 31. mars samþykkti einróma framboðslista Framsóknar og annarra framfarasinna fyrir sveitarstjórnarkosningar í vor. Listann skipar öflugur hópur nýrra frambjóðenda í forystusveit sem býr yfir víðtækri reynslu og þekkingu á sinni heimabyggð.Meira -
Landbúnaðarmál eru öryggismál og til umræðu í Kakalaskála
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 01.04.2026 kl. 09.00Fyrir fáeinum árum fór fram mikil umræða í landinu um innflutning á hráu kjöti og voru þá margir landsmenn gagnrýnir á að íslensk stjórnvöld nýttu sér ekki ákvæði EES samningsins um heimildir til undanþágu frá innflutningi á hrávöru sem þó væri að finna í þeim samningi. Kunnur er ásetningur Evrópusambandsins að hafa eins litlar undanþágur og takmarkanir og kostur er á verslun með matvæli og á hið sama við um flutning á lifandi dýrum. Íslendingar hafa sem betur fer ekki undirgengist þennan strangtrúnað óheftrar markaðshyggju að fullu þótt þegar hafi þeir gengið of langt að mínu mati og þyrfti að kanna að hvaða marki mætti endurvekja vannýttar heimildir EES samningsins. Þetta liggur nánast í augum uppi.Meira
