Úrslit Vísnakeppni Safnahúss Skagfirðinga
Úrslit vísnakeppni Safnahúss Skagfirðinga hafa verið kunngjörð en á heimasíðu Sæluviku er hægt að sjá útsendingu á heimasíðu Sæluviku þar sem tíndir eru til nokkrir botnar og vísur er bárust í keppnina. Skarphéðinn Ásbjörnsson sendi inn verðlaunabotn og Sigurlín Hermannsdóttir átti vísuna sem hlaut fyrstu verðlaun.
Vísnakeppni Safnahúss Skagfirðinga hefur fest sig rækilega í sessi á Sæluviku en keppninni var komið á árið 1976. Ekki veit umsjónarmaður hennar til þess að keppnin hafi fallið niður á þeim tíma, utan síðasta ár þegar Sæluvika varð að víkja fyrir Cóvid-reglum sóttvarnalæknis og heilbrigðisráðherra. Telst honum þá til að nú sé komið að keppni númer 45.
Reglurnar eru líkt og áður, einfaldar og góðar; annars vegar að botna fyrirfram gefna fyrriparta og eða semja vísu um ákveðið málefni. Að þessu sinni fengu hagyrðingar að glíma við að botna fyrri parta er minntust á gos, gös, Covid-áhrif, kaup og kjör og kosningar og að sjálfsögðu um vorið, enda stutt í betri tíð er keppnin hófst.
Þá langaði umsjónarmanni keppninnar til að sjá hvernig hagyrðingar myndu ramma inn Ísland og þeirra upplifun á stöðunni í dag, sl. mánuði eða jafnvel hvernig þeir telja hana þróast næstu mánuði en þó að Covid-19 hafi verið alls ráðandi mátti alveg hugsa út fyrir þann ramma.
Þátttaka var þokkaleg þar sem tólf einstaklingar sendu inn efni undir dulnefni og líkt og áður mátti vart á milli sjá hvaða botn eða vísa ætti heima í verðlaunasæti. Enginn miskunn er þó gefin og úrslit skulu fara fram með góðu eða illu.
Skarphéðinn Ásbjörnsson sendi inn verðlaunabotninn að þessu sinni er hann botnar:
Senn mun blíð og betri tíð
bara prýða fjörðinn.
Vindar líða um völl og hlíð
og vorið þíða svörðinn.
Ekki var einfalt að skera úr um það hver ætti skilið að hljóta verðlaun úr hvorum flokki enda aldrei auðvelt að keppa í vísnagerð. En allt er þetta gert til gamans þó örlítil alvara fái að fylgja með. Vísan sem varð fyrir valinu á vel við núna þegar við sjáum fyrir endann á Covid-19 og fáum brátt að hittast á mannfögnuðum á ný án gríma og sótthreinsivökva.
Er kóvíd hörvar kemur betri tími
við kveðjum einsemd, grímur, hanska og spritt.
Þótt enn við kvíðann kannski ennþá glími
við knúsum, ferðumst og gerum líka hitt.
Verðlaunavísuna átti Heiðarbúi eða Sigurlín Hermannsdóttir úr Kópavoginum.
Verðlaunahafar fá hamingjuóskir og þakkir fá öll þau sem þátt tóku.
Nánar verður sagt frá botnum og vísum í næsta Feyki og að sjálfsögðu hægt að horfa á útsendingu á Sæluviku.is þar sem farið er yfir innsenda botna og vísur.
Fleiri fréttir
-
Geggjaðir Grindvíkingar í Síkinu
feykir.is Skagafjörður, Íþróttir 16.04.2024 kl. 09.52Það er rétt að byrja á því að hrósa Grindvíkingum, þeir voru frábærir í gær og verðskulduðu sigur í Síkinu þegar þeir mættu liði Tindastóls í öðrum leik liðanna í úrslitakeppni Subway-deildarinnar en þeir leiða nú einvígið 2-0. Gestirnir náðu yfirhöndinni seint í fyrsta leikhluta og léku við hvern sinn fingur þar til þriðji leikhluti var úti en þá var munurinn 32 stig. Þrátt fyrir að Stólarnir gerðu fyrstu 21 stig fjórða leikhluta voru þeir í raun aldrei nálægt því að jafna leikinn – hvað þá að vinna hann. Lokatölur voru 88-99 og ljóst að lið Tindastóls þarf að finna góðan skammt af galdradufti til að snúa þessu einvígi við.Meira -
Öldungamót Smára
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 09.20Nú er lag fyrir gamlar frálsíþróttakempur og aðra áhugasama að skrá sig á öldungamót Smára sem fram fer í íþróttahúsinu í Varmahlíð laugardaginn 20.apríl nk.Meira -
1500 FRÆ
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 15.04.2024 kl. 15.28Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík.Meira -
Nú mæta allir í Síkið
feykir.is Skagafjörður, Íþróttir 15.04.2024 kl. 12.17Íslandsmeistarar Tindastóls taka á móti Grindavík í Síkinu í kvöld í öðrum leik liðanna í átta liða úrslitum Subway-deildarinnar. Leikurinn hefst kl. 19:30 en miðasala fer fram á Stubb. Nú er um að gera að fjölmenna í Síkið og styðja strákana okkar til sigurs. Grindvíkingar rúlluðu yfir okkar menn í fyrsta leik og nú þurfa allir Stólar að gera betur.Meira -
Séra Sigríður skipuð prófastur í Húnavatns- og Skagafjarðarprófastsdæmi
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.04.2024 kl. 11.03Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi frá og með deginum í dag, 15. apríl 2024. Hún tekur við af sr. Döllu Þórðardóttur á Miklabæ en hún lét af störfum þann 1. desember síðastliðinn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.