Út úr kreppunni
Það er enginn sem kemur og bjargar okkur útúr kreppunni. Eina leiðin sem við eigum er að vinna okkur útúr henni sjálf. Ríkisvaldinu ber að skapa aðstæður fyrir einstaklinga og fyrirtæki svo atvinnulífið komist á skrið og heimilin í skjól frá þeim efnahagsstormi sem nú geisar. Núverandi ríkisstjórn hefur tekið þá ákvörðun að bregðast við eftirá m.a. með því að lengja í skuldasnöru heimilanna og setja eins marga á bætur og þörf er á. Þetta er hættuleg leið sem draga mun frumkvæði og þrótt úr fólki og fyrirtækjum.
Er ekki mikilvægara að fara í fyrirbyggjandi aðgerðir svo ekki komi til gjaldþrota heimila og fyrirtækja? Fram hafa komið tillögur sem taka á þessu. Sú tillaga sem mestu skiptir snýr að leiðréttingu á verðtryggingunni þ.e. að færa skuldir heimila og fyrirtækja aftur í það sem þær voru í byrjun árs 2008.
Þetta er leið sem hægt er fara strax og mun þannig gagnast heimilum og fyrirtækjum strax. Áhrifin verða þau að færri verða gjaldþrota og þeir sem eiga afgang nota hann til kaupa á vörum og þjónustu sem styrkir fyrirtækin, sem þannig geta þá ráðið fleiri í vinnu. Þannig kemst á keðjuverkun sem samfélagið hagnast á.
Sú leið sem ríkisstjórnin vill fara þ.e. að velja úr þá sem á að hjálpa tekur of langan tíma og er því miður farvegur spillingar, þar sem t.d. flokkskírteini gætu ráðið för. Fleiri og fleiri fræðimenn telja að eina raunhæfa leiðin sé almenn leiðrétting skulda er taki gildi strax.
Hver borgar brúsann? Þeir sem tapa á þessari aðferð eru þeir erlendu kröfuhafar sem lánuðu fé til Íslands og því eru það þeir sem borga. Þeir gera sér nú þegar grein fyrir því að stærstur hluti þess sem þeir lánuðu er nú þegar tapaður. Nú þegar er búið að afskrifa allt að 50% af kröfum þessara aðila og var það gert þegar nýju bankarnir voru stofnaðir. Því er það sanngirnismál að ríkisstjórnin láti amk. hluta af þessari afskrift ganga til heimila og fyrirtækja í stað þess að láta bankana njóta þess eina.
Það að leiðrétta lán heimila og fyrirtækja sem nemur verðbótum á einu ári, uþb. 20%, kostar ríkissjóð ekki neitt ! Erlendu kröfuhafarnir bera skaðann.
Verði þessi leið farin mun stór hluti heimila og fyrirtækja sleppa við gjaldþrot. Þá mun velta í samfélaginu aukast og atvinna um leið. Forsenda þess að þjóðin komist útúr kreppunni er að koma í veg fyrir fjöldagjaldþrot þannig að fyrirtækin gangi, geti ráðið fólk til vinnu og það haldið heimilum sínum.
Förum leið skynseminnar, eflum atvinnu og björgum heimilunum strax.
Gunnar Bragi Sveinsson
Höfudur skipar 1.sæti á lista Framsóknarflokksins í Norðvesturkjördæmi.
Fleiri fréttir
-
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira -
Ertu búin/n að pússa golfkylfurnar?
feykir.is Skagafjörður, Íþróttir 25.04.2025 kl. 15.17Það voru gleðitíðindi tilkynnt á Facebook-síðu Golfklúbbs Skagafjarðar í hádeginu í dag þegar Hlynur Freyr Einarsson auglýsti að búið væri að setja upp flöggin góðu á fyrstu fimm flatir vallarins.Meira -
Fögnum vori, sumri og sól
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 15.14Kvennakórinn Sóldís í Skagafirði tekur á móti Freyjukórnum í Borgarfirði á morgun laugardag 26.apríl og saman ætla kórarnir að halda saman tónleika í Miðgarði, kl.16:00Meira -
Leikdagur í dag
feykir.is Skagafjörður, Íþróttir 25.04.2025 kl. 14.47Það er ekki seinna vænna en að óska öllum gleðilegs sumars í leiðinni og við tilkynnum ykkur að það er leikdagur í dag, svona ef þið vissuð það ekki. En Sigríður Inga Viggósdóttir er alltaf með puttann á púlsinum varðandi dagskrá á leikdegi og leyfum við henni að fljóta með þessari tilkynningu.Meira -
Opið hús í Oddfellowhúsinu á Sauðárkróki á laugardaginn
feykir.is Skagafjörður, Aðsendar greinar 25.04.2025 kl. 12.21Laugardaginn 26. apríl milli kl. 14 og 16 verður opið hús í Oddfellowhúsinu að Víðigrund 5 á Sauðárkróki. Þar verður hægt að skoða húsakynnin og þiggja léttar veitingar ásamt því að hægt verður að kynnast starfi Oddfellowreglunar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.